अष्ट्रेलियाको सिड्नीमा 'माघी महोत्सव', थारु संस्कृतिका नाचगान र खानपिन मुख्य आकर्षण

अष्ट्रेलिया ब्यूरो

Home
अष्ट्रेलिया ब्यूरो
अष्ट्रेलियाको सिड्नीमा 'माघी महोत्सव', थारु संस्कृतिका नाचगान र खानपिन मुख्य आकर्षण

अष्ट्रेलियाको सिड्नीमा 'माघी महोत्सव', थारु संस्कृतिका नाचगान र खानपिन मुख्य आकर्षण

सरलरेखा संवाददाता बिहीबार, पुस २८, २०७९

सिड्नी। अष्ट्रेलियाको नेपाली समुदाय नेपालको आफ्नो कला संस्कृतिको सम्बर्द्धन र प्रबर्द्धनमा अगरपंक्तिमा रहँदै आएको छ। यहाँको नेपाली समुदायले नेपालमा भाषा र कला संरक्षणका लागि प्रयास त गरेको छ नै, नेपालमा मनाइने पर्वहरु पनि धुमधामका साथ मनाउँदै आएको छ। यसैबीच थारु समाज सिड्नी अष्ट्रेलियाले माघी महोत्सवको आयोजना गरेको छ ।

नेपालमा माघ १ गतेलाई माघेसंक्रान्तिको रुपमा मनाइन्छ। र, संगै थारु समुदायले यो दिनलाई आफ्नो ठूलो पर्व 'माघी' को रुपमा मनाउने गर्दछ। जसअनुसार, अष्ट्रेलियाको सिड्नीमा बसोवास गर्दै आएको थारु समुदायले पनि माघी महोत्सवको आयोजना गरेको हो। यसपटक माघेसंक्रान्ति आइतबारका दिन परेको र अष्ट्रेलियामा आइतबार सार्वजनिक बिदा हुने हुँदा माघी महोत्सव अझ बढी उत्साहजनक बन्ने विश्वास गरिएको छ।

आयोजक संस्थाका पब्लिक अफिसर अरुण आर्यन चौधरीले महोत्सवमा थारु रीति रिवाज अनुसारका नाचगान र खानपिन मुख्य आकर्षण रहने जानकारी दिनुभयो। उहाँले थारु समुदाय मात्र नभई यो पर्व सबै नेपालीको भएको र एकआपसमा सद्भाव तथा एकता पनि बढ्ने हुँदा सबैलाई सहभागिताका लागि अनुरोध गर्नुभयो।

322738390_683535956591203_1900592932063051550_n-2-543x7681673526041.jpg

माघी महोत्सव आगामी १५ जनवरी, आइतबारका दिन विटलाम पार्कमा आयोजना गरिएको छ। महोत्सव मध्यान्ह १२ बजेदेखि सुरु हुने समेत आयोजक संस्थाले जानकारी गराएको छ। थारु समाज सिड्नी, अष्ट्रेलियाले विगत ३ वर्षदेखि माघी महोत्सवको आयोजना गर्दै आएको छ। आगामी वर्षहरुमा पनि अझ बृहत महोत्सवको आयोजना गर्दै जाने संस्थाले जनाएको छ।

प्रकाशित मिति: बिहीबार, पुस २८, २०७९ १८:०४

प्रतिक्रिया दिनुहोस्