बौद्ध महाचैत्यबाट बुद्ध सन्देश संसारभर’ भन्ने नारासहित बुद्ध जयन्ती मनाइने

नेपाल समाचार

Home
नेपाल समाचार
बौद्ध महाचैत्यबाट बुद्ध सन्देश संसारभर’ भन्ने नारासहित बुद्ध जयन्ती मनाइने

बौद्ध महाचैत्यबाट बुद्ध सन्देश संसारभर’ भन्ने नारासहित बुद्ध जयन्ती मनाइने

सरलरेखा संवाददाता बुधबार, वैशाख २४, २०८२

वैशाख २४, काठमाडौँ । काठमाडौं महानगरपालिका–६ स्थित बौद्ध ह्यात ग्राउन्डमा २५६९ औँ बुद्ध जयन्ती मनाइने भएको छ ।

आउँदो वैशाख २९ गते श्री बौद्धनाथ क्षेत्र विकास समितिको संयोजकत्वमा ७७ वटा स्थानीय संघसंस्थाको मूल आयोजक कमिटी बनाएर कार्यक्रम गरिने पत्रकार सम्मेलनमार्फत जानकारी दिएको छ । ‘बौद्ध महाचैत्यबाट बुद्ध सन्देश संसारभर’ भन्नेर नारासहित विविध कार्यक्रम गरि एकताको सन्देश दिन खोजिएको बौद्धनाथ क्षेत्र विकास समितिका अध्यक्ष राजकुमार लामाले पत्रकार सम्मेलनमा बताए । विकास समितिले यस पटक स्थानीय संघसंस्था र बौद्ध धर्म सम्बन्धी सरोकार राख्ने धार्मिक संस्थाहरूलाई आवद्ध गराएर उक्त समारोहमा करिव ५ हजार जनाभन्दा बढी संख्यामा उपस्थिति गराइने अध्यक्ष लामाले जानकारी दिए ।

समारोहमा बागमती प्रदेश सरकारका मूख्यमन्त्री बहादुर सिं लामाको प्रमुख आतिथ्यतामा निधिपति नाम्खा रिन्पोछे र क्याब्जे ज्याटुल रिन्पोछेको विशेष उपस्थिति रहने वुधबार आयोजित पत्रकार सम्मेलनमा बौद्धनाथ क्षेत्र विकास समितिका कार्यकारी निर्देशक मोहन कुमार तामाङले जनाए दिए । उक्त दिन शान्ति ¥यालीसहित बौद्ध महांकालबाट तिनचुली हुँदै महास्तूप परिक्रमा गरि ह्यात चौरमा पुगेर पूजापाठ, भगवान बुद्धको अस्तुधातु दर्शन, गुरू दर्शन र औपचारिक कार्यक्रम सहितको प्रवचन हुने कार्यतालिका तय भएको उनले जानकारी दिए ।

२९ गते विहान ८ः४५ बजे बौद्ध महांकाल चौरमा भेला भइ साँस्कृतिक झाँकी सहितको शान्ति ¥याली सुरू भइ तिनचुली हुँदै पवित्र बौद्धनाथ स्तूप परिक्रमा गरि ह्यात चौर कार्यक्रम स्थल पुगिने बताएको छ । कार्यक्रमको मूख्य आकर्षकको रूपमा भगवान बुद्धको अस्तुधातुको दर्शन, साँस्कृतिक झाँकी, नेपाली बाजागाजा, बौद्ध परम्परा र कलात्मक विरासतको प्रदर्शन, निधिपति नाम्खा रिन्पोछेको दर्शन, क्याब्जे जाटुल रिन्पोछेबाट आयु अभिषेक प्रदान तथा लामा गुरूबाट प्रवचन रहने आयोजकले जनाइएको छ ।

कार्यक्रमलाई भव्य र सभ्य बनाउनका लागि उप समितिहरू गठन गरेको छ । शान्ती सुरक्षा, ट्राफिक ब्यबस्थापन लगायत अन्य विभिन्न समितिहरु रहको छ ।