‘ऐना झ्यालको पुतली’ लाई शो टाइम नदिए हलहरुलाई पाप लाग्छ : स्वस्तिमा

सरल इन्टरटेन्मेन्ट

Home
सरल इन्टरटेन्मेन्ट
‘ऐना झ्यालको पुतली’ लाई शो टाइम नदिए हलहरुलाई पाप लाग्छ : स्वस्तिमा

‘ऐना झ्यालको पुतली’ लाई शो टाइम नदिए हलहरुलाई पाप लाग्छ : स्वस्तिमा

सरलरेखा संवाददाता शुक्रबार, भदौ २४, २०७९

काठमाडौं । अभिनेत्री स्वस्तिमा खड्काले चलचित्र ‘ऐना झ्यालको पुतली’ निकै राम्रो चलचित्र भएको बताएकी छन् ।

राम्रो चलचित्रलाई सबैले सहयोग गर्नुपर्ने उनको भनाइ छ ।

शुक्रबार अबेरसम्म मल्टिप्लेक्सहरूले यस चलचित्रलाई शो उपलब्ध नगराएपछि उनले दुख व्यक्त गरेकी छिन् । सामाजिक सञ्जालमा उनले लेखिकी छिन्, “हलहरूले यो फिल्मलाई पर्दा दिएनन् भने पाप लाग्छ ।”

‘ऐना झ्यालको पुतली’ आफूले दुईपटक हेरे पनि चित्त नबुझेको भन्दै उनी भन्छिन्, “दुई पटक हेरिसक्दा पनि मेरो मन अघाएको छैन । यसले मलाई वर्षौंसम्म यसैगरी अतृप्त बनाइरहनेछ । यति इमानदार र निर्दोष फिल्म हरेक नेपालीले हेर्नुपर्छ ।”

पर्दामा देखिने दिदीभाइको सम्बन्ध सजिव रहेकोभन्दै उनी भन्छिन्, “म आफैं विद्या पात्र भएर धेरै पटक भाइलाई सम्झिएकी छु । धेरै पटक आँखा भिजाएकी छु । हाम्रो जीवन यस्तै खटपट, ठाकठुक र प्रेमले त अडिएको छ । हामी हुर्किएको समाजलाई ऐना बनेर देखाइदिने निर्देशक सुजित बिडराीप्रति आभारी छु ।”

अनेक अवरोधबीच सिनेमा बनाउनु परेको भन्दै स्वस्तिमा अगाडि भन्छिन्, “हामी सिनेकर्मीहरू अनेक बोझले थिचिएका हुन्छौं । समीक्षाको बोझ, अघिल्ला फिल्मको बोझ । बजारसम्म लगेर हरेक दर्शकसामु पुर्याउने बोझ । यिनै अनगिन्ती बोझ र बन्धनले हामी सधैं बाँधिन्छौं । तर, यी अनेक डर र बोझबाट मुक्त भएर ऐना झ्यालको पुतली खुला आकाशमा उडेको छ । मेरो मन पनि पुतलीझैं आकाशमा उडिरहेको छ ।”

‘ऐना झ्यालको पुतली’ आजबाट रिलिज भएको छ ।

प्रकाशित मिति: शुक्रबार, भदौ २४, २०७९ ०८:५८

प्रतिक्रिया दिनुहोस्