बलिउड अभिनेता सलमान खानको हत्याको योजना, मुम्बई प्रहरी हाई अलर्टमा

सरल इन्टरटेन्मेन्ट

Home
सरल इन्टरटेन्मेन्ट
बलिउड अभिनेता सलमान खानको हत्याको योजना, मुम्बई प्रहरी हाई अलर्टमा

बलिउड अभिनेता सलमान खानको हत्याको योजना, मुम्बई प्रहरी हाई अलर्टमा

सरलरेखा संवाददाता शुक्रबार, जेठ २७, २०७९

काठमाडौं । बलिउड अभिनेता सलमान खानको हत्याको योजना बनाइएको खुलासा भएको छ ।

मुम्बईको आपराधिक गिरोहका नाइके लरेन्सको समूहले अभिनेता खानको हत्याको योजना बनाएको खुलासा भएको हो । लरेन्स समूहलाई अभिनेता खानलाई लेखेको धम्कीपूर्ण पत्रपछि उनको हत्याको योजना बनेको खुलासा भएको प्रहरीको अपराध महाशाखाले जनाएको छ । भारतीष्य प्रहरीको मुम्बई क्राइम ब्राञ्चले लरेन्सका सहयोगी सौरभ महाकाललाई नियन्त्रणमा लिएर गरेको सोधपुछमा सौरभले अभिनेता खानको हत्याको योजना बनेको बयान दिएका हुन् । सलमानको हत्याको योजनाबारे जानकारी पाएपछि प्रहरीले देशका विभिन्न ६ स्थानमा प्रहरी परिचालन गरेको समाचार एजेन्सीले जनाएको छ ।

अपराधिका गिरोहका नाइके लरेन्स हाल जेलमा छन् । त्यहीबाट उनले सलमान र उनका पिता सलीम खनालाई धम्कीपूर्ण पत्र पठाएका थिए । उनको पत्र लिएर राजस्थानको जालोरबाट तीनजना मुम्बई आएको प्ररहीले जनाएको छ । पत्र छोडेपछि ती तीनजनाले सौरभलाई भेटेका थिए ।

सौरभका अनुसार गोल्डी बराडको माध्यमबाट सलीमसम्म पत्र पुर्याइएको थियो । पत्र छोड्न आएका तिनैजनाको पहिचान भइसकेको प्रहरीले दाबी गरेको छ । उनीहरुलाई प्रहरीले नियन्त्रणमा समेत लिएको छ ।

प्रकाशित मिति: शुक्रबार, जेठ २७, २०७९ १८:०२

प्रतिक्रिया दिनुहोस्