विवादमा परेपछि 'कबड्डी' की नायिका मिरुना मगरको प्रतिक्रिया–'म आफैं बौद्धमार्गी हूँ, घटनाबाट दुखी छु'

सरल इन्टरटेन्मेन्ट

Home
सरल इन्टरटेन्मेन्ट
विवादमा परेपछि 'कबड्डी' की नायिका मिरुना मगरको प्रतिक्रिया–'म आफैं बौद्धमार्गी हूँ, घटनाबाट दुखी छु'

विवादमा परेपछि 'कबड्डी' की नायिका मिरुना मगरको प्रतिक्रिया–'म आफैं बौद्धमार्गी हूँ, घटनाबाट दुखी छु'

काठमाडौं । नायिका मिरुना मगरलाई हलभित्र दुव्र्यवाहर गरेको आरोपमा थुनिएका युवालाई छुटाउने तयारी गरिएको छ ।

सामाजिक सञ्जालमा तीब्र प्रतिक्रया उत्पन्न भएपछि नायिका मगर समझदारीमा जान लचक बनेको बताइएको छ ।लामाविरुद्ध जाहेरी फिर्ता लिन मिरुना राजी भएपछि मंगलवार अपरान्ह लामा हिरासत मुक्त हुने भएका छन् । साथै मिरुना र लामा दुवैले संयुक्त विज्ञप्ति जारी गर्ने तयारी समेत भएको बताइएको छ ।

सिभिल मलभित्र चलचित्र कबड्डी ४ हेरेर निस्कने क्रममा एक युवकले आफूमाथि पिठ्यूमा गलत तरिकाले छोएको नायिकाको आरोप छ । नायिका मगरले ती युवकलाई प्रहरीको जिम्मा लगाएकी थिइन् ।

नायिका मगरले हिजो उनीविरुद्ध अभद्र व्यवहारको कसुरमा जाहेरी दिएपछि प्रहरीले जिल्ला प्रशासन कार्यालयबाट म्याद थपसमेत गरेको छ । तर, यसबीचमा सामाजिक सञ्जालमा उल्टै नायिका मगर माथि चर्को आलोचना गरिएको छ । तर यथार्थ नबुझी आफूमाथि नकारात्मक टिप्पणी गरिएको नायिका मिरुनाको गुनासो छ ।

उनीमाथि दुव्र्यवहार गरिएको भनिएका युवा बौद्धमार्गी लामा समेत हुन् । उनले आफ्नो परिचय फुर्वा तामाङ र घर मुगु बताएका छन् । नायिका मिरुनाले आफू पनि बौद्धमार्गी भएको र बौद्ध लामामाथि उजुरी गर्नुपर्दा दुख लागेको बताएकी छिन् । तर चेतावनी दिदा पनि तीनपटक आफ्नो शरीरमा छुने र पछि लाग्न नछोडेपछि प्रतिक्रिया जनाउन बाध्य भएको उनले बताएकी छिन् ।

प्रकाशित मिति: मंगलबार, जेठ १७, २०७९ १२:१९

प्रतिक्रिया दिनुहोस्