भारतको राजधानी नयाँ दिल्लीसहित उत्तरी क्षेत्रको तापक्रम ४९ डिग्री नाघ्यो, जनजीवन प्रभावित

जीवनमन्त्र

Home
जीवनमन्त्र
भारतको राजधानी नयाँ दिल्लीसहित उत्तरी क्षेत्रको तापक्रम ४९ डिग्री नाघ्यो, जनजीवन प्रभावित

भारतको राजधानी नयाँ दिल्लीसहित उत्तरी क्षेत्रको तापक्रम ४९ डिग्री नाघ्यो, जनजीवन प्रभावित

काठमाडौं । भारतको राजधानी नयाँ दिल्लीसहित उत्तरी क्षेत्रको तापक्रम ४९ डिग्री सेल्सियस पुगेपछि गर्मीले जनजीवन प्रभावित भएको छ ।

भारतको मौसम विभागले त्यस क्षेत्रमा तातो हावा अर्थात लु चल्नसक्ने भएकोले सचेत रहन सतर्क गराएको छ ।

आइतवार दिल्लीको उत्तरपश्चिम क्षेत्रको शहर मुंगेशपुरको तापक्रम ४९.२ डिग्री सेल्सियस र निजफगढको तापक्रम ४९.१ डिग्री सेल्सियस मापन भएको भारतीय सञ्चार माध्यमहरुले जनाएका छन् । भारतको मौसम विभागले सोमवार मेघगर्जन र धुलोको कणसहितको आँधी चल्नसक्ने भन्दै सचेत गराएको छ ।

भारतमा सन् १९६६ पछि पहिलोपटक यति धेरै गर्मी भएको बताइएको छ । सन् १९६६ को मे १० मा अधिकतम् तापक्रम ४९ डिग्री सेल्सियस मापन भएको इतिहास रहेको समाचारमा जनाइएको छ ।

तर पञ्जाव र हरियाणा क्षेत्रमा देखिएको प्रिमनसुनी सामुद्रिक आँधीको चक्रका कारण सोमवार र मंगलवार केही शितल महसुस हुनसक्ने पूर्वामान गरिएको छ ।

प्रकाशित मिति: आइतबार, जेठ १, २०७९ २१:३५

प्रतिक्रिया दिनुहोस्