राष्ट्रिय ललितकला प्रदर्शनी–२०७९ मा नक्कल गरिएको चित्र पुरस्कृत भएको खुलासा

सरल विशेष

Home
सरल विशेष
राष्ट्रिय ललितकला प्रदर्शनी–२०७९ मा नक्कल गरिएको चित्र पुरस्कृत भएको खुलासा

राष्ट्रिय ललितकला प्रदर्शनी–२०७९ मा नक्कल गरिएको चित्र पुरस्कृत भएको खुलासा

थाइ चित्रकारले सिर्जना गरेको रातो रंगको गणेशको चित्र र त्यसैको नक्कल गरेर नेपाली चित्रकारले बनाएको निलो गणेशको चित्र । तस्बिर: माइसंसार ब्लग

काठमाडौं । नेपाल ललितकला प्रज्ञा प्रतिष्ठानको आयोजनामा राष्ट्रिय ललितकला प्रदर्शनी–२०७९ मा पुरस्कृत एउटा चित्र विवादमा तानिएको छ ।

पुरस्कार जित्न सफल चित्र नै हुबहु नक्कल (बौद्धिक चोरी) गरिएको पाइएपछि आयोजकको विश्वसनीयतामाथि समेत प्रश्न उठेको छ ।

वैशाख २ गते शुक्रवार राजधानीमा आयोजित ललितकला प्रदर्शनी तथा प्रतियोगितामा विभिन्न पुरस्कारको पनि घोषणा गरिएको थियो । प्रत्येक प्रदेशबाट १–१ जना पर्ने गरी ७ प्रदेशका कलाकारलाई दिइएको प्रादेशिक पुरस्कार अर्थात् प्रोभिन्सियल अवार्डमध्ये प्रदेश १ बाट पुरस्कृत चित्र नक्कल गरेको पाइएको हो । प्रदेश १ बाट आधुनिक चित्रकलाबाट सन्तोष राई पुरस्कृत भएका थिए । गणेश शीर्षकको उनको चित्र भव्य र आकर्षक त देखिन्छ तर मौलिक भने नभएको खुलासा भएको छ ।

त्यस्तै चित्र यसअघि केही भारतीय कलाकारहरुले समेत बनाएको इन्टरनेट सर्चहरुमा भेटिएका छन् । तर उनीहरुले पनि एकजना थाई कलाकारको चित्रबाट नक्कल गरेको खुलासा भएको छ । अर्थात यस चित्रको मौलिक सर्जक भने थाई कलाकार भएको पुष्टि भएको छ । ती चित्रकारको नाम रचन सिन्थङ हुन् ।

प्रकाशित मिति: शनिबार, वैशाख ३, २०७९ १३:१७

प्रतिक्रिया दिनुहोस्