सुदूरपश्चिम प्रदेशका मुख्यमन्त्री शाहलाई दुई तिहाइ बढी विश्वासको मत

मूख्य समाचार

Home
मूख्य समाचार
सुदूरपश्चिम प्रदेशका मुख्यमन्त्री शाहलाई दुई तिहाइ बढी विश्वासको मत

सुदूरपश्चिम प्रदेशका मुख्यमन्त्री शाहलाई दुई तिहाइ बढी विश्वासको मत

सरलरेखा संवाददाता आइतबार, फागुन २१, २०७९

धनगढी । सुदूरपश्चिम प्रदेशका मुख्यमन्त्री कमलबहादुर शाहले विश्वासको मत पाउनुभएको छ ।

आइतबार बसेको प्रदेशसभाको बैठकमा मुख्यमन्त्री शाहले पेश गर्नुभएको विश्वासको मत सम्बन्धि प्रस्तावको पक्षमा ४१ र विपक्षमा ११ मत परेको हो ।

सभामुख भीमबहादुर भण्डारीले शाहले पेश गर्नुभएको प्रस्तावको पक्षमा बहुमत सदस्यले मतदान गरेको भन्दै प्रस्ताव बहुमतले स्वीकृत भएको घोषणा गर्नुभएको हो । मुख्यमन्त्री शाहले ५३ सदस्यीय प्रदेशसभाको दुई तिहाइ भन्दा बढि मत पाउनुभएको छ ।

२६ माघमा संविधानको धारा १६८ को उपधारा (३) अनुसार ठूलो दलको हैसियतमा मुख्यमन्त्रीमा नियुक्त हुनुभएका शाहलाई कांग्रेसका १९, माओवादी केन्द्रका (सभामुख बाहेक) १०, नागरिक उन्मुक्ति पार्टीका ७, नेकपा एकीकृत समाजवादीका ४ र स्वतन्त्र सांसद डा. तारा जोशीले विश्वासको मत दिएका हुन् ।

२७ पुसमा एमाले, माओवादी, नागरिक उन्मुक्ति पार्टी र राप्रपाको समर्थनमा मुख्यमन्त्रीमा नियुक्त भएका राजेन्द्रसिंह रावलले प्रदेश सभाबाट विश्वासको मत पाउन नसकेपछि शाह २६ माघमा संविधानको धारा १६८ को उपधारा (३) अनुसार ठूलो दलको हैसियतमा मुख्यमन्त्री नियुक्त हुनुभएको थियो ।

विश्वासको मत दिने दलहरुले शाह नेतृत्वको सरकारमा सहभागीसमेत हुने निर्णय गरेका छन् ।

प्रकाशित मिति: आइतबार, फागुन २१, २०७९ १६:२१

प्रतिक्रिया दिनुहोस्