मन्त्रीपरिषद विस्तार गर्ने प्रधानमन्त्रीको तयारी, को को बन्दैछन् मन्त्री ?

मूख्य समाचार

Home
मूख्य समाचार
मन्त्रीपरिषद विस्तार गर्ने प्रधानमन्त्रीको तयारी, को को बन्दैछन् मन्त्री ?

मन्त्रीपरिषद विस्तार गर्ने प्रधानमन्त्रीको तयारी, को को बन्दैछन् मन्त्री ?

सरलरेखा संवाददाता मंगलबार, फागुन १६, २०७९

काठमाडौं । प्रधानमन्त्री पुष्पकमल दाहाल प्रचण्डले मन्त्रीपरिषद विस्तार गर्ने तयारी गर्नुभएको छ ।

नेकपा एमाले सरकारबाट बाहिरिएसँगै माओवादी अध्यक्ष समेत रहनुभएका प्रधानमन्त्री प्रचण्डले मन्त्रिपरिषद् पुनर्गठनका लागि छलफल थालनी गर्नुभएको हो ।

सोमबार एमाले सरकारबाट बाहिरिएसँगै १६ वटा मन्त्रालय रिक्त भएका छन् । सबै मन्त्रालयको कार्यवाहक जिम्मेवारी प्रचण्डको काँधमा छ । त्यसैले ती मन्त्रालयमा मन्त्री नियुक्त गर्न प्रधानमन्त्रीले दलहरुसँग छलफल सुरु गर्नुभएको हो ।

अहिलेको ७ सदस्यीय मन्त्रिपरिषदमा अब माओवादी र जनमत पार्टी मात्रै छन् । यसअघि राप्रपाले पनि माघ १२ गते सरकारलाई दिएको समर्थन फिर्ता लिएर सरकारबाट बाहिरिएको थियो ।

मन्त्रिपरिषद् विस्तारका लागि नयाँ गठबन्धन बनाउन दलहरूबीच छलफलसमेत सुरु भएको छ । अब बन्ने सरकारमा नेपाली कांग्रेस र एकीकृत समाजवादी लगायतका दलहरु पनि सहभागी हुनसक्ने आंकलन गरिएको छ । गठबन्धन दलहरुबीच सहमति भएमा राष्ट्रपति चुनावलाई असर नपर्ने गरी चुनाव अघि नै मन्त्रिपरिषद् विस्तार गर्ने तयारी छ । तर, पूर्णता भने राष्ट्रपति र उपराष्ट्रपतिको चुनाव पछि मात्रै दिने तयारी भइरहेको छ।

प्रकाशित मिति: मंगलबार, फागुन १६, २०७९ ०९:००

प्रतिक्रिया दिनुहोस्