नवनिर्वाचित सांसदको शपथ ग्रहणको तयारी, मिति सोमबार तय हुने

मूख्य समाचार

Home
मूख्य समाचार
नवनिर्वाचित सांसदको शपथ ग्रहणको तयारी, मिति सोमबार तय हुने

नवनिर्वाचित सांसदको शपथ ग्रहणको तयारी, मिति सोमबार तय हुने

काठमाडौं । सङ्घीय संसद् सचिवालयले प्रतिनिधि सभाका नवनिर्वाचित सांसदको शपथ ग्रहण मिति सोमबार तय गर्ने भएको छ ।

सचिवालयले ज्येष्ठ सदस्यको पहिचान गरेर सुरुमा उहाँलाई शपथ ग्रहण गराउने र त्यसपछि अन्य सदस्यको शपथ गर्नेगरी अन्तिम तयारी गरेको छ ।

सचिवालयका सहायक प्रवक्ता दशरथ धमलाका अनुसार, निर्वाचन आयोगले निर्वाचित सांसदको विवरणमा उल्लेख गरेको मिति र नागरिकतामा रहेको मिति फरक परेकाले पत्राचार गरिएको थियो । आयोगले पुनः पठाएको विवरण आज सचिवालयले प्राप्त गरेको छ । सचिवालयले भोलि नै शपथ ग्रहण मिति तोक्ने सहायक प्रवक्ता धमलाले बताउनुभयो ।

नवनिर्वाचित सांसदको नागरिकता अनुसार ज्येष्ठ सदस्य पशुपतिशमशेर जबराको रहेको पाइएको छ । उहाँ ८० वर्षको हुनुहुन्छ । अर्का सांसद महेन्द् राय यादवको उमेर पनि ज्येष्ठ सदस्यका लागि दाबी गर्न मिल्ने भए पनि उहाँले यसअघि आफ्नो जन्म मितिका बारेमा फरक भनाइ राखेकाले उहाँ पर्ने सम्भावना कम छ ।

सबैभन्दा पहिले ज्येष्ठ सांसदले शपथ ग्रहण गर्नुहुने उहाँको भनाइ छ ।

प्रकाशित मिति: आइतबार, पुस ३, २०७९ १८:४१

प्रतिक्रिया दिनुहोस्