एकैपटक ५३ वटा म्यानपावर कम्पनीका मुख्य सञ्चालकलाई कैद र जरिवाना (नामसूचीसहित)

सरल विशेष

Home
सरल विशेष
एकैपटक ५३ वटा म्यानपावर कम्पनीका मुख्य सञ्चालकलाई कैद र जरिवाना (नामसूचीसहित)

एकैपटक ५३ वटा म्यानपावर कम्पनीका मुख्य सञ्चालकलाई कैद र जरिवाना (नामसूचीसहित)

सरलरेखा संवाददाता बुधबार, फागुन १८, २०७८

काठमाडौं । वैदेशिक रोजगार न्यायाधीकरणले एकैपटक ५३ वटा म्यानपावर कम्पनीका मुख्य सञ्चालकहरूलाई कैद र जरिवाना फैसला गरेको छ।

न्यायाधीकरणले ५३ मुख्य सञ्चालकलाई ६ महिना कैद र एक÷एक लाख रूपैयाँ जरिवाना सजाय हुने गरी फैसला गरेको हो।

न्यायाधीकरणका अध्यक्ष रमेश खत्री, सदस्य गोपीचन्द्र भट्टराई तथा निशा बानियाँको संयुक्त इजलासले यही १६ गते ठगीमा संलग्न म्यानपावर कम्पनीलाई सजाय दिने फैसला गरेको हो।

खाडी तथा मलेसिया जाने श्रमिकहरूको भिसा तथा श्रम स्वीकृतिका लागि प्रदान गरिने स्टिकर लगायत कागजात नक्कली बनाएर ठगी गरेको न्यायाधीकरणले ठहर गरेको न्यायाधीकरणका इजलास अधिकृत दुर्गादत्त लम्सालले जानकारी दिनुभयो ।

इजलास अधिकृत लम्सालका अनुसार ती म्यानपावर कम्पनीहरूले ललितपुर, पुल्चोकस्थित नेपाल निक प्रिन्टिङ प्रेसमार्फत नक्कली कागजात बनाएर कामदारलाई वैदेशिक रोजगारमा पठाउने गरेको खुलेको हो। उक्त प्रेसले एक व्यक्ति बराबर पाँच सयदेखि सात हजार रूपैयाँसम्म रकम लिएर नक्कली कागजात बनाइ दिने गरेको खुलेको हो।

सजाय सुनाइएका ५३ म्यानपावर कम्पनी र सञ्चालकः