जापानका पूर्वप्रधानमन्त्री आबेको अन्त्येष्टिमा १.६६ अर्ब येन खर्च लाग्ने प्रक्षेपण, जापानमा विरोध प्रदर्शन

जापान सन्दर्भ

Home
जापान सन्दर्भ
जापानका पूर्वप्रधानमन्त्री आबेको अन्त्येष्टिमा १.६६ अर्ब येन खर्च लाग्ने प्रक्षेपण, जापानमा विरोध प्रदर्शन

जापानका पूर्वप्रधानमन्त्री आबेको अन्त्येष्टिमा १.६६ अर्ब येन खर्च लाग्ने प्रक्षेपण, जापानमा विरोध प्रदर्शन

टोकियो । देशका जनताको चर्को आलोचनाबीच जापानका पूर्वप्रधानमन्त्री शिन्जो आबेको अन्त्येष्टि अर्को साता हुने भएको छ ।

अन्त्येष्टिको लागतलाई लिएर भएको चर्का आलोचनाबीच उनको अन्तिम संस्कार हुन लागेको हो । सिन्जो आबेको यसै वर्षको जुलाई ८ मा एउटा राजनीतिक कार्यक्रममा हत्या भएको थियो । अन्तेष्टिका लागि जापान सकरकारले १ दशमलव ६६ अर्ब येन खर्च लाग्ने जनाएको छ, जुन रकम हालै दिवंगत भएकी बेलायती महारानीको राजकीय अन्त्येष्टिमा लागेको खर्चभन्दा बढी हो ।

आबेको अन्त्येष्टिको विवादले जापानमा प्रदर्शन सुरु गरेको छ । यसै साताको सुरुमा आबेलाई राजकीय अन्त्येष्टि गर्ने सरकारको घोषणाको विरोधमा एक व्यक्तिले प्रधानमन्त्री फुमिको किसिदाको आवास नजिक आत्मदाहको प्रयास गरेका थिए ।

आबेको अन्त्येष्टिमा अमेरिकी उपराष्ट्रपति कमला ह्यारिस र भारतीय प्रधानमन्त्री नरेन्द्र मोदी र अष्ट्रेलियाका प्रधानमन्त्री एन्थोनी अल्बानीजसहित २१७ देशका ७०० पाहुनाहरु सहभागी हुनेछन् । प्रधानमन्त्रीको रूपमा आबेको नीतिहरूले जापानलाई विभाजित गरेको छ ।

प्रकाशित मिति: आइतबार, असोज ९, २०७९ ०८:०९

प्रतिक्रिया दिनुहोस्