जापानमा विदेशी महिला ट्रेनी कामदार गर्भवती भए स्वदेश फिर्ता गरिने

जापान सन्दर्भ

Home
जापान सन्दर्भ
जापानमा विदेशी महिला ट्रेनी कामदार गर्भवती भए स्वदेश फिर्ता गरिने

जापानमा विदेशी महिला ट्रेनी कामदार गर्भवती भए स्वदेश फिर्ता गरिने

सरलरेखा संवाददाता शनिबार, पुस ९, २०७९

टोक्यो । जापानमा ट्रेनी कामदारका रुपमा कार्यरत विदेशी महिला कामदारहरुले सुत्केरी विदा नपाउने गरेको खुलासा भएको छ ।

अध्यागमन सेवा एजेन्सीले भर्खरै सार्वजनिक गरेको अध्ययन प्रतिवेदनपछि यस्तो तथ्य खुलेको हो । ट्रेनी कामदारका रुपमा कार्यरत विदेशी महिला कामदारहरु गर्भवती भएमा उनीहरुलाई तुरुन्त कामबाट निष्कासन गर्ने गरिएको प्रतिवेदनमा उल्लेख छ । अधिकांश गर्भवती महिला कामदारलाई उनीहरुकै देशमा फिर्ता पठाउने गरेको पाइएको छ । गत अगष्टदेखि नोभेम्वरसम्म ६५० जनामा गरिएको सर्वेक्षणमा सहभागीहरुले आफूहरु गर्भवती भएको पाइएमा तुरुन्त घर फिर्ता पठाउने मञ्जुरीनामा गराइएको बताए ।

स्वास्थ्य सेवाको अभाव जनाउदै गर्भवती विदेश महिला कामदारमाथि विभेद हुनुका साथै उनीहरुको मातृत्व अधिकारको हनन समेत भएको भन्दै सरोकारवालाहरुले दुख व्यक्त गरेका छन् ।

नेपालसहित विभिन्न देशका कामदारहरु सरकार–सरकारबीचको सम्झौता जीटुजी अनुसार ट्रेनी भिसामा जापान आएका हुन् । त्यस्तो सम्झौतामा ट्रेनी कामदारको उपचारको व्यवस्था समेत जापान सरकारले नै गर्ने उल्लेख हुन्छ ।

प्रकाशित मिति: शनिबार, पुस ९, २०७९ १०:३६

प्रतिक्रिया दिनुहोस्