यी हुन् काँग्रेसका समानुपातिकतर्फ उम्मेदवारी दिएका शीर्ष नेता, आरजु राणादेखि विमलेन्द्र निधिसम्म

मूख्य समाचार

Home
मूख्य समाचार
यी हुन् काँग्रेसका समानुपातिकतर्फ उम्मेदवारी दिएका शीर्ष नेता, आरजु राणादेखि विमलेन्द्र निधिसम्म

यी हुन् काँग्रेसका समानुपातिकतर्फ उम्मेदवारी दिएका शीर्ष नेता, आरजु राणादेखि विमलेन्द्र निधिसम्म

काठमाडौं । नेपाली कांग्रेसले समानुपातिकतर्फ उम्मेदवारको सूची निर्वाचन आयोगमा बुझाएको छ।

कांग्रेसका १३ पदाधिकारीमा २ जना मात्रै समानुपातिकमा बसेका छन्। सहमहामन्त्रीद्वय फरमुल्लाह मन्सुर र जीवन परियार समानुपातिकतर्फ बस्नुभएको छ । सभापति शेरबहादुर देउवासहित अधिकांश पदाधिकारी प्रत्यक्षतर्फ चुनाव लड्ने तयारीमा रहनुभएको छ ।

यस्तै पूर्वउपसभापति विमलेन्द्र निधि पनि समानुपातिकतर्फ नाम समावेश गरिएको छ। निधि २०७४ मा धनुषा क्षेत्र नम्बर ३ मा राजेन्द्र महतोसँग पराजित हुनुभएको थियो । यसपालि निधिलाई धनुषा कांग्रेसले समानुपातिकतर्फ नै सिफारिस गरेको थियो।

नेता गोपालमान श्रेष्ठको नाम पनि समानुपातिकतर्फ बन्दसूचीमा समावेश रहेको स्रोतको भनाइ छ ।

कैलाली क्षेत्र नम्बर ५, बाँके क्षेत्र नम्बर ३, बागलुङ क्षेत्र नम्बर २ बाट प्रत्यक्षतर्फ र डडेल्धुराबाट समानुपातिकतर्फ सिफारिस हुनुभएका केन्द्रीय सदस्य आरजु राणा देउवा पनि समानुपातिकतर्फ बस्नुभएको छ । २०७४ मा आरजु कैलालीबाट पराजित हुनुभएको थियो ।

कांग्रेसले प्रतिनिधि सभातर्फ ११० र प्रदेश सभातर्फ २२० जनाको नाम आयोगमा बुझाएको छ।

प्रकाशित मिति: सोमबार, असोज ३, २०७९ १८:०७

प्रतिक्रिया दिनुहोस्