विराटनगरमा दलका नेता बहिस्कार अभियान, सडकमा दलका नेतालाई हिड्न रोक

मूख्य समाचार

Home
मूख्य समाचार
विराटनगरमा दलका नेता बहिस्कार अभियान, सडकमा दलका नेतालाई हिड्न रोक

विराटनगरमा दलका नेता बहिस्कार अभियान, सडकमा दलका नेतालाई हिड्न रोक

विराटनगर । प्रदेश नम्बर एकको राजधानी विराटनगरका सडकमा कुनै दलका नेतालाई हिड्न रोक लगाइएको छ ।

विकासमा गरेको विभेद र बेथितिको विरुद्धमा विराटनगर महानगरपालिकाका स्थानीयले नेतालाई बहिष्कार अभियान चलाएका हुन् ।

विराटनगरको बरगाछी पश्चिमको गणेश चोकदेखि केशलिया खोलासम्मको सडकमा स्थानीयले नेतालाई रोक लगाएका छन् । यो सडकलाई स्थानीयले नेता निषेधित क्षेत्र नै घोषणा गरेका छन् । बुधबारदेखि स्थानीयले उक्त सडकमा आवागमनमा रोक लगाएका छन् । उनीहरुले सडकमै ह्युमपाइप राखेर यातायात सञ्चालन रोकेका हुन् ।

विराटनगर– ४ र ५ को सिमाना भएर जाने उक्त सडक लामो समयदेखि निर्माणाधीन छ । तर, काम पूरा गराउन कसैले पहल लिएको छैन । केसलिया खोलासम्मको करिब तीन किलोमिटर सडक निर्माणको काम लामो समयदेखि अलपत्र अवस्थामा छ ।

हरेक निकाय धाउँदा सडकको काम सूचारु गरिदिने आश्वासन पाए पनि काम भने नथालिएको नेता बहिष्कार अभियानका संयोजक उत्तम दाहालले बताउनुभयो । त्यही भएर नेता बहिष्कार अभियान नै सञ्चालन गर्नु परेको उहाँको भनाइ छ ।

सर्वसाधारणले ब्यानर नै टाँगेर नेता प्रवेशमा रोक लगाइएको जनाउ दिएपछि यो सडकबारे चासो उठेको छ । तर अझै पनि निर्माणको काम भने सुरु नभएको उहाँले बताउनुभयो ।

स्थानीय, प्रादेशिक र संघीय नेताहरुलाई स्थानीयले लामो समयदेखि बहिस्कार गरिरहेका छन् । हुलाकी राजमार्गअन्र्तगत पर्ने उक्त सडकको कतिपय भाग फराकिलो बनाउने विषयमा विवाद देखिएपछि निर्माण कार्य रोकिन पुगेको थियो ।

प्रकाशित मिति: बुधबार, भदौ ८, २०७९ १६:१०

प्रतिक्रिया दिनुहोस्