निवर्तमान मन्त्री रामकुमारी झाँक्रीमाथि पत्रकारको गम्भीर आरोप, आफूलाई तलब नदिएको गुनासो

मूख्य समाचार

Home
मूख्य समाचार
निवर्तमान मन्त्री रामकुमारी झाँक्रीमाथि पत्रकारको गम्भीर आरोप, आफूलाई तलब नदिएको गुनासो

निवर्तमान मन्त्री रामकुमारी झाँक्रीमाथि पत्रकारको गम्भीर आरोप, आफूलाई तलब नदिएको गुनासो

काठमाडौं । पत्रकार कान्ति न्यौपानेले निवर्तमान शहरी विकासमन्त्री रामकुमारी झाँक्रीले आफूलाई तलब नदिएको आरोप लगाउनुभएको छ ।

न्यौपानेले फेसबुकमार्फत आफूले झाँक्रीको सचिवालयमा काम गरेबापत् ६÷७ महिनाको तलब नपाएको गुनासो गर्नुभएको हो । तर, यो आरोपको झाँक्रीले खण्डन गर्नुभएको छ । उल्टै न्यौपानेले आफूलाई मन्त्रालयमा कुनै सहयोग नगरेको उहाँको दाबी छ ।

आशा झाँक्रीको नाममा रहेको फेसबुक आइडीबाट उहाँले लेख्नुभएको छ–‘उनले मरो सचिवालयमा एक महिना पनि सहयोग गरेको पाइनँ । उनले कति समाचार लेखिन् देख्न सक्नुहुन्छ । आफूले कुनै काम नगरी श्रमजीवीको नाममा तलब माग्न मिल्छ ? म बसुञ्जेल मेरो काम गरेको विवरण लिएर आउनुस् म मेरो आफ्नै तलबबाट दिउँला । काम गरेर होइन मेरा विरुद्ध फेसबुकमा स्टाटस लेखे बापत तलब कसरी दिने ?’ न्यौपानेलाई फागुनदेखि नै सचिवालयबाट बिदा गरेको पनि उहाँको भनाइ छ ।

‘मेरो काममा सहयोग गर्ने होइन कि, सचिव र अन्य कर्मचारीसँग आफूसँग सरोकार नभएका विषयमा चासो राख्ने, कन्सल्टेन्सी लिष्ट माग्ने, मेरो सुविधा दिनु भनेर मन्त्रालयको आन्तरिक शाखामा गएर माग्ने आदि कुरा थाहा पाएपछि मेरो सार्वजनिक खर्च कटौतीको अभियानलाई समेत अप्ठ्यारो पर्ने भएपछि मैले नराख्ने निधो गरी फागुनको पहिलो हप्ता नै आज सम्मको कामका लागि धन्यवाद अब मलाई सहयोग गर्न आउन पर्दैन भनेको थिएँ,’ झाँक्रीले लेख्नुभएको छ ।

प्रकाशित मिति: सोमबार, असार १३, २०७९ ०८:३८

प्रतिक्रिया दिनुहोस्