कर्णाली राजमार्गको आठविस सिस्नेमा बस दुर्घटना हुँदा चार जनाको मृत्यु, घाइतेको उद्दारमा कठिनाइ

मूख्य समाचार

Home
मूख्य समाचार
कर्णाली राजमार्गको आठविस सिस्नेमा बस दुर्घटना हुँदा चार जनाको मृत्यु, घाइतेको उद्दारमा कठिनाइ

कर्णाली राजमार्गको आठविस सिस्नेमा बस दुर्घटना हुँदा चार जनाको मृत्यु, घाइतेको उद्दारमा कठिनाइ

सुर्खेत । कर्णाली राजमार्ग अन्तर्गत दैलेखको आठविस नगरपालिका १ सिस्नेमा बस दुर्घटना हुँदा चार जनाको मृत्यु भएको छ भने ३३ जना घाइते भएका छन् ।

कालिकोटबाट सुर्खेततर्फ जाँदै गरेको ना.२ ख ६६० नम्बरको बस कर्णाली राजमार्ग अन्तर्गत दैलेखको आठवीस नगरपालिकाको सिस्नेमा दुर्घटनामा परेको हो ।

दुर्घटनामा परि ४ जनाको मृत्यु भएको र अन्य ३३ जना घाइते भएको दैलेखका प्रहरी प्रमुख भुवनेश्वरप्रसाद शाहले बताउनुभयो ।

दुर्घटना भएको बस कर्णाली नदीको तिरमा छ । रातिको समय भएकोले उद्धारमा समस्या भएको खड्गराज उपाध्यायले जानकारी दिनुभयो ।

राकमबाट उद्धारका लागि प्रहरी पुगिसकेको छ भने अहिले प्रहरी र स्थानीयले घाइतेको उद्धार गरिरहेका छन् । घाइते सबैको अवस्था गम्भीर रहेको छ । तर एम्बुलेन्स अभाव भएको उहाँले बताउनुभयो । हेलिकप्टरबाट सरकारले उद्धार गरिदिएको भए घाइतेहरूलाई बचाउन सजिलो हुने खड्गराज उपाध्यायले बताउनुभयो ।

प्रमुख जिल्ला अधिकारी हरि प्याकुरेलले उद्धारका कामलाई प्रभावकारी बनाउन सुरक्षा निकायको चार वटा टोली खटाएको बताउनुभयो । शाहले दैलेख, दुल्लु, आठवीस र तल्लो डुँगेश्वरबाट उद्धारका लागि टोली पठाएको बताउनुभयो ।

घटनाको विस्तृत विवरण आउन बाँकी छ ।

प्रकाशित मिति: बुधबार, जेठ ११, २०७९ २१:४४

प्रतिक्रिया दिनुहोस्