शुक्रवार हुने निर्वाचनको तयारी अन्तिम चरणमा

मूख्य समाचार

Home
मूख्य समाचार
शुक्रवार हुने निर्वाचनको तयारी अन्तिम चरणमा

शुक्रवार हुने निर्वाचनको तयारी अन्तिम चरणमा

सरलरेखा संवाददाता बिहीबार, वैशाख २९, २०७९

काठमाडौं । निर्वाचन आयोगले भोलि हुने स्थानीय तह निर्वाचनको सम्पूर्ण तयारी अन्तिम अवस्थामा पुगेको जनाएको छ ।

मतपत्र ढुवानी, मतदान स्थलमा सुरक्षा प्रवन्ध लगायतका तयारी अन्तिम चरणमा पुगेको आयोगका प्रवक्ता शालिग्राम शर्मा पौडेलले बताउनुभयो । ७ सय ५३ वटै पालिका मध्ये अधिकांशमा बुथ निर्माण कार्य सकिएको र आज सम्ममा सम्पूर्ण काम सकिने प्रवक्ता पौडेलको भनाइ छ ।

स्थानीय चुनावमा यो पटक १ करोड ७७ लाख ३३ हजार ७ सय २३ मतदाता दर्ता भएका छन् । जसमध्ये पुरुष ८९ लाख ९२ हजार १०, महिला ८७ लाख ४१ हजार ५ सय ३० र अन्य समुहमा रहेका मतदाताको संख्या १ सय ८३ छ । मुलुकभर ३५ हजार २ सय २१ पदका लागि १ लाख ४५ हजार ११ जनाको उम्मेदवारी परेको छ ।

पालिकामा सदस्य लगायतका पदमा एकल उम्मेदवारी परेका कारण ३ सय ९० जना भने निर्विरोध निर्वाचित भएका छन् ।

स्थानीय तह निर्वाचन प्रयोजनका दर्ता भएका ७९ मध्ये ६५ दलले मात्रै निर्वाचनका लागि मनोनयन दर्ता गराएका छन् ।

आयोगले १० हजार ५ सय ५६ मतदानस्थल कायम गरेको छ। २१ हजार ९५५ मतदान केन्द्र रहेका छन्। आयोगका अनुसार निर्वाचनमा ६५ हजार ८६५ जना स्वयमेवक खटिएका छन्।

निर्वाचनमा ५ हजार पर्यवेक्षक खटिएको आयोगले जनाएको छ। निर्वाचनमा खटिने कर्मचारीको संख्या एक लाख ९ हजार ८८ रहेको छ।

प्रकाशित मिति: बिहीबार, वैशाख २९, २०७९ ११:४७

प्रतिक्रिया दिनुहोस्