आज १३३औँ अन्तर्राष्ट्रिय श्रमिक दिवस मनाइदै, श्रमिकको संविधानप्रद्धत अधिकार सुनिश्चित गर्ने सरकारको प्रतिबद्दता

मूख्य समाचार

Home
मूख्य समाचार
आज १३३औँ अन्तर्राष्ट्रिय श्रमिक दिवस मनाइदै, श्रमिकको संविधानप्रद्धत अधिकार सुनिश्चित गर्ने सरकारको प्रतिबद्दता

आज १३३औँ अन्तर्राष्ट्रिय श्रमिक दिवस मनाइदै, श्रमिकको संविधानप्रद्धत अधिकार सुनिश्चित गर्ने सरकारको प्रतिबद्दता

सरलरेखा संवाददाता आइतबार, वैशाख १८, २०७९

काठमाडौं । आइतवार मे १, ‘मर्यादित श्रम, सुरक्षित रोजगारः विकास र समृद्धिको आधार’ भन्ने मूल नाराका साथ नेपालमा पनि अन्तर्राष्ट्रिय श्रमिक दिवस मनाइदैछ ।

यस दिन विश्वभरका श्रमिकहरुले अन्तर्राष्ट्रिय श्रमिक दिवस मनाउने गर्दछन् । आठ घण्टा काम, आठ घण्टा आराम र आठ घण्टा मनोरञ्जनको माग राख्दै अमेरिकाको सिकागो सहरका श्रमिकहरूले सडक ओर्लिएर बलिदानी पूर्ण सङ्घर्ष गरी विजय हासिल गरेको दिनको सम्झनामा मे १ मा विश्वभर अन्तर्राष्ट्रिष्य श्रमिक दिवस मनाइँदै आएको छ ।

एक सय ३६ वर्षदेखि निरन्तर मनाउन सुरु गरिएको श्रमिक दिवसले श्रमिकको एकता, वीरता र गौरवपूर्ण इतिहास बोकेको छ ।

यसैबीच प्रधानमन्त्री शेरबहादुर देउवाले सरकार श्रमिकको श्रमको उच्च सम्मान गर्दै संविधानप्रद्धत अधिकारको सुनिश्चितता गर्न सदैव प्रतिबद्ध रहेको बताउनुभएको छ ।

१३३औँ अन्तर्राष्ट्रिय श्रमिक दिवसका अवसरमा आइतबार शुभकामना सन्देश जारी गर्दै प्रधानमन्त्री देउवाले निष्कृष्ट प्रकारको श्रम अभ्यासलाई अन्त्य गर्न श्रमिकको संगठित हुन पाउने अधिकार र सामूहिक सौदाबाजी गर्न पाउने अधिकारलाई संविधानले मौलिक हकका रूपमा सुनिश्चित गरेको उल्लेख गर्नुभएको छ ।

उहाँले श्रमिकको एकता र संघर्षबाट नै परिवर्तन र उपलब्धि हासिल गर्न सम्भव भएको पनि बताउनुभएको छ ।

प्रकाशित मिति: आइतबार, वैशाख १८, २०७९ ०७:३४

प्रतिक्रिया दिनुहोस्