एनआरएनएको विवाद टुङ्गियो, दुई अध्यक्ष र महत्त्वपूर्ण पदहरू थपेर अघि बढ्ने सहमति

ग्लोबल नेपाल

Home
ग्लोबल नेपाल
एनआरएनएको विवाद टुङ्गियो, दुई अध्यक्ष र महत्त्वपूर्ण पदहरू थपेर अघि बढ्ने सहमति

एनआरएनएको विवाद टुङ्गियो, दुई अध्यक्ष र महत्त्वपूर्ण पदहरू थपेर अघि बढ्ने सहमति

काठमाडौं । गैरआवासीय नेपाली संघ एनआरएनएको विवाद सहमतिमा टुङ्गिएको छ ।

विगत ६ महिनायता जारी विवाद अन्ततः दुई अध्यक्ष र महत्त्वपूर्ण पदहरू थपेर अघि बढ्ने सहमतिमा टुङ्गिएको हो । सहमतिको प्रयासस्वरुप गएराति अबेरसम्म दुई पक्षबीच वार्ता भएको थियो । वार्तामा दुई अध्यक्षात्मक प्रणालीसहित महत्त्वपूर्ण पदहरू थप्ने सहमति गरेर विवाद टुङ्ग्याइएको गैरआवासीय नेपाली संघका नेता शनिकुमार ओलीले जानकारी दिनुभयो ।

दुवै पक्ष छलफलमा बसेर सहमति जुटेपछि अब शेष घले पक्षले मार्च २४ र २५ मा गर्ने भनिएको छुट्टै महाधिवेशन रोकिने भएको छ । यस्तै अदालतमा रहेको मुद्दा पनि फिर्ता लिएर तोकिएकै समय २४ र २५ तारिकको चुनाव र त्यसपछिको महाधिवेशन एकताको महाधिवेशनको रूपमा गरिने बताइएको छ ।

संस्थापनले प्रतिनिधिमा छनोटमा धाँधली गरेको भन्दै कुल आचार्य पक्षले परराष्ट्र मन्त्रालयमा उजुरी गरेपछि एनआरएनएमा विवाद रहँदै आएको थियो । विवादकै कारण गत अक्टोबरमा हुने भनिएको महाधिवेशन स्थगित हुँदै आएको थियो ।

प्रकाशित मिति: मंगलबार, चैत ८, २०७८ १७:११

प्रतिक्रिया दिनुहोस्