एनआरएनएको अध्यक्षमा डा बद्री केसीको उम्मेदवारी दर्ता, संस्थागत शुद्धीकरण गर्ने प्रतिवद्दता

सरल विशेष

Home
सरल विशेष
एनआरएनएको अध्यक्षमा डा बद्री केसीको उम्मेदवारी दर्ता, संस्थागत शुद्धीकरण गर्ने प्रतिवद्दता

एनआरएनएको अध्यक्षमा डा बद्री केसीको उम्मेदवारी दर्ता, संस्थागत शुद्धीकरण गर्ने प्रतिवद्दता

सरलरेखा संवाददाता बिहीबार, फागुन २६, २०७८

काठमाडौं । गैरआवासीय नेपाली संघ (एनआरएनए) को अध्यक्ष पदमा डा बद्री केसीले उम्मेदवारी दर्ता गर्नुभएको छ ।

उहाँले गैरआवासीय नेपाली संघको यही मार्च २१ र २२ मा हुने १० औं महाधिवेशनका लागि बुधवार उम्मेदवारी दर्ता गर्नुभएको हो । उहाँ हालको कार्य समितिमा उपाध्यक्ष हुनुहुन्छ ।

गैरआवासीय नेपाली संघको स्थापना कालदेखि निरन्तर काम गरेको अनुभव र अहिलेको कार्यसमितिमा आफू सिनियर भएकाले अध्यक्षमा उम्मेदवारी दिएको डा केसीले बताउनुभयो । उहाँले संस्थागत शुद्धीकरण, एनआरएनएमा दोस्रो पुस्ता, महिला, युवाको सहभागिता, नेपालमा लगानी, विज्ञान प्रविधि, वैदेशिक रोजगारीलगायतका क्षेत्रमा सक्रिय भएर काम गर्ने प्रतिबद्धता व्यक्त गर्नुभएको छ ।

२००३ देखि एनआरएन अभियानमा संलग्न ढा केसी २००७ सम्म आइसिसी रुसको साधारण सदस्य हुनुहुन्थ्यो । त्यसपछि २००७ देखि ००९ सम्म आइसिसी रुसको महासचिव भएर काम गर्नुभएका उहाँ २००९ देखि भने अन्तर्राष्ट्रिय समन्वय परिषद् (आइसिसी) प्रवेश गर्नुभएको थियो । २००९–२०११, २०११–२०१३ गरी दुई कार्यकाल आइसिसी सदस्य रहनुभएका उहाँ २०१३ – २०१५ मा भने कोषाध्यक्ष चयन हुनुभएको थियो ।

त्यसपछि २०१५ देखि २०१९ सम्म दुई कार्यकाल महासचिव र २०१९–२०२१ मा उपाध्यक्ष रहनुभएको थियो । बायो टेक्नोलोजीमा मस्कोबाट २००१ मा पीएचडी गर्नुभएका उहाँको रसिया र नेपालमा विभिन्न क्षेत्रमा व्यवसाय र लगानी रहेको छ ।

प्रकाशित मिति: बिहीबार, फागुन २६, २०७८ १८:१९

प्रतिक्रिया दिनुहोस्