चितवन २ बाट आफूलाई स्वतः विजयी घोषित गर्नुपर्ने कांग्रेस नेता उमेश श्रेष्ठको दाबी

नेपाल समाचार

Home
नेपाल समाचार
चितवन २ बाट आफूलाई स्वतः विजयी घोषित गर्नुपर्ने कांग्रेस नेता उमेश श्रेष्ठको दाबी

चितवन २ बाट आफूलाई स्वतः विजयी घोषित गर्नुपर्ने कांग्रेस नेता उमेश श्रेष्ठको दाबी

सरलरेखा संवाददाता आइतबार, माघ २२, २०७९

काठमाडौं । नेपाली कांग्रेसका नेता उमेश श्रेष्ठले चितवन क्षेत्र नम्बर २ बाट आफूलाई विजयी घोषित गर्नुपर्ने दाबी गर्नुभएको छ ।

गत मसिर ४ मा सम्पन्न निर्वाचनमा चितवन क्षेत्र नम्बर २ बाट नेपाली कांग्रेसका उम्मेदवार बन्नुभएका श्रेष्ठले निर्वाचन आयोग पुगेर आफूलाई अधिकारिक निर्वाचित घोषणा गर्न माग गर्नुभएको हो ।

मंसिर ४ को निर्वाचनमा फराकिलो मतान्तरसहित विजयी राष्ट्रिय स्वतन्त्र पार्टीका रवि लामिछानेले सांसद पद गुमाएपछि निकटतम् प्रतिद्वन्द्वी श्रेष्ठले आफूलाई स्वतः निर्वाचित घोषित गर्न मागसहित आइतवार निवेदन दिनुभएको छ ।

चितवन २ बाट निर्वाचित लामिछानेले नागरिकता विवादमा गत माघ १३ गतेको सर्वोच्च अदालतको फैसलापछि सांसद पद गुमाउनुभएको छ । लामिछानेको उम्मेदवारी नै अवैधानिक रहेको भन्दै अदालतले फैसला गरेकोले आफू नै निर्वाचित हुनुपर्ने श्रेष्ठको माग छ ।

तर निर्वाचन आयोगले भने श्रेष्ठले रविको सांसद पद खारेज भएपछि आफूलाई स्वतः संसदमा पठाउन माग गरे पनि कानुनमा त्यो व्यवस्था नै नरहेको जनाएको छ।

श्रेष्ठले कानुन आकर्षित नै नहुने दाबीसहित उजुरी दिएको आयोगको भनाइ छ ।

यो विषय संवैधानिक इजलासमा उठिसकेकाले अब चितवन २ मा उपनिर्वाचन हुने उनले बताए।

चितवन २ को हकमा उपनिर्वाचनबाहेक अरु कुरा कानुनमा केही पनि नलेखिएको ती उपसचिवको भनाइ छ ।

प्रकाशित मिति: आइतबार, माघ २२, २०७९ १४:२३

प्रतिक्रिया दिनुहोस्