आफैंले श्रद्धाञ्जली दिएको व्यक्तिको मत धनराज गुरुङलाई खसेपछि गठबन्धनकै नेताको आपत्ति

नेपाल समाचार

Home
नेपाल समाचार
आफैंले श्रद्धाञ्जली दिएको व्यक्तिको मत धनराज गुरुङलाई खसेपछि गठबन्धनकै नेताको आपत्ति

आफैंले श्रद्धाञ्जली दिएको व्यक्तिको मत धनराज गुरुङलाई खसेपछि गठबन्धनकै नेताको आपत्ति

सरलरेखा संवाददाता शनिबार, मंसिर १७, २०७९

काठमाडौं । मंसिर ४ मा सम्पन्न प्रतिनिधिसभा तथा प्रदेशसभा निर्वाचनमा सत्ता गठबन्धनबाटै धाँधली भएकोमा गठबन्धन दलकै नेताले आपत्ति जनाउनुभएको छ ।

सत्ता गठबन्धन दलका नेकपा एकीकृत समाजवादीका उपमहासचिव डा विजयकुमार पौडेलले सत्ता गठबन्धनबाटै निर्वाचनमा धाँधली भएकोमा आपत्ति जनाउनुभएको हो । उहाँले सामाजिक सञ्जालमार्फत स्याङ्जा क्षेत्र नं २ मा नेपाली कांग्रेसका धनराज गुरुङको तर्फबाट धाँधली भएको बताउनुभएको हो । काँग्रेसका उम्मेदवार गुरुङ आफैंले श्रद्धाञ्जली दिनुभएको मृतकको नाममा समेत गठबन्धनलाई मत खसेकोबाट चुनावमा धाँधली भएको पुष्टि हुने उल्लेख गर्नुभएको छ । डा पौडेलले काँग्रेसभित्र तार्किक र स्पष्ट धारणा राख्नसक्ने नेताका रुपमा सम्मानित गुरुङकै क्षेत्रमा भएको धाँधली अस्वभाविक हुने भन्दै काँग्रेसले आत्मालोचना गर्नुपर्ने धारणा राख्नुभएको छ । लोकतान्त्रिक अभ्यासको सर्वोच्च विन्दु निर्वाचनमा अझै सत्तारुढ दलबाटै बल र पाखुरा प्रयोग गरि बुथ क्याप्चर हुनु दुर्भाग्य भएको उपमहासचिव पौडेलकाो भनाइ छ ।

धाँधली भएको भन्दै विवाद बढेपछि मतगणन प्रभावित भएको स्याङ्जा क्षेत्र नं २ मा लामो समयपछि बल्ल मतगणना सुचारु भएको थियो ।

४ हजार ८७१ मत गणना गर्न बाँकी छँदै प्रतिनिधिसभा सदस्यमा कांग्रेसका धनराज गुरुङ विजयी हुनु भएको छ ।

उहाँले २९ हजार ५६६ मत ल्याउनु भएको छ । नेकपा एमालेकी सचिव पद्मा अर्यालले २३ हजार ५९१ मत ल्याउनुभएको छ ।

प्रकाशित मिति: शनिबार, मंसिर १७, २०७९ २०:३६

प्रतिक्रिया दिनुहोस्