संसद विघटन गरेर ताजा जनादेशमा जानुपर्ने अवस्था छः प्रचण्ड

नेपाल समाचार

Home
नेपाल समाचार
संसद विघटन गरेर ताजा जनादेशमा जानुपर्ने अवस्था छः प्रचण्ड

संसद विघटन गरेर ताजा जनादेशमा जानुपर्ने अवस्था छः प्रचण्ड

सरलरेखा संवाददाता शुक्रबार, फागुन २०, २०७८

Prachanda.JPG

काठमाडौं । सत्ता साझेदार दल नेकपा माओवादी केन्द्रका अध्यक्ष पुष्पकमल दाहालले यथास्थितिमा संसद विघटनको विकल्प नरहेको बताउनुभएको छ ।

शुक्रवारबाट काठमाडौंमा शुरू भएको पार्टीको केन्द्रीय कमिटी बैठकलाई सम्बोधन गर्दै अध्यक्ष दाहालले लामो समयदेखि संसद अवरुद्ध रहेकोले नयाँ विकल्पमा जानुपर्ने अवस्था आउनसक्ने बताउनुभएको हो । नयाँ जनादेशमा जाने एउटा विकल्प रहेको उहाँको भनाइ थियो । निरन्तर संसदमा अवरोध हुन नसक्ने भन्दै उहाँले प्रतिपक्षी सदन खुलाउन तयार नभए नयाँ विकल्पमा जानुपर्ने धारणा राख्न्ुभयो ।

अध्यक्ष दाहालले सत्ता गठबन्धन आगामी चुनावसम्म जाने निश्चित भएको पनि बताउनुभयो ।

एमसीसी पास भएसँगै गठबन्धनभित्र देखिएको अन्योलता हटेकोले अब गठबन्धन चुनावसम्मै जाने निश्चित भएको उहाँको भनाइ थियो । अध्यक्ष दाहालले देशको राष्ट्रिय राजनीति फेरि अन्योल र प्रतिगमनतिरै जाने हो कि भन्ने भयलाई आफूहरुले परास्त गरेको दाबी समेत गर्नुभयो । एमसीसी पास गर्ने शर्तमा भने गठबन्धन नबनेको उहाँको भनाई थियो । अध्यक्ष दाहालले समय बित्दै जाँदा गठबन्धनभित्र एमसीसीको विषयले प्राथमिकता पाएको र ब्याख्यात्मक घोषणा सहित एमसीसी पास भएको बताउनुभयो ।

प्रकाशित मिति: शनिबार, फागुन २१, २०७८ ०१:५०

प्रतिक्रिया दिनुहोस्