पाकिस्तानलाई ५ विकेट हराउदै इंग्ल्याण्डले जित्यो आईसीसी टी–२० विश्वकपको उपाधि

खेल संसार

Home
खेल संसार
पाकिस्तानलाई ५ विकेट हराउदै इंग्ल्याण्डले जित्यो आईसीसी टी–२० विश्वकपको उपाधि

पाकिस्तानलाई ५ विकेट हराउदै इंग्ल्याण्डले जित्यो आईसीसी टी–२० विश्वकपको उपाधि

सरलरेखा संवाददाता आइतबार, कात्तिक २७, २०७९

काठमाडौं । आईसीसी टी–२० विश्वकपको उपाधि इंग्ल्याण्डले जितेको छ ।

मेलवर्न क्रिकेट सम्पन्न फाइनलमा इंग्ल्याण्डले पाकिस्तानमाथि ५ विकेटको जित निकालेको हो । पाकिस्तानले दिएको १३८ रनको लक्ष्य इंग्ल्याण्डले एक ओभर बाँकी छँदै पूरा गरेको हो ।

इंग्ल्याण्डले टी–२० विश्वकप जितेको यो दोस्रोपल्ट हो । यसअघि सन् २०१० मा उपाधि जितेको थियो ।

यसअघि टस हारेर पहिला ब्याटिङ गरेको पाकिस्तानले २० ओभरमा ८ विकेट गुमाएर १३७ रनमात्र बनाउन सक्यो । सेमिफाइनलमा न्युजिल्याण्डविरुद्ध शतकीय साझेदारी गरेका ओपनिङ जोडी कप्तान बाबर आजम र मोहम्मद रिजवान छिट्टै आउट हुँदा पाकिस्तान इनिङ्सको सुरुवातदेखि नै रक्षात्मक बन्न पुगेको थियो ।

रिजवान १५ रन बनाएर आउट हुँदा तेस्रो नम्बरमा आएका मोहम्म ह्यारिसले पनि ८ रनमात्र जोड्न सके । कप्तान बाबर २८ बलमा ३२ रन बनाएर आउट हुँदा ११।१ ओभरमा पाकिस्तान ८४–३ को अवस्थामा पुगेको थियो । त्यसको अर्को ओभरमै आउट भएका इफ्तिकर अहमदले रनको खाता खोल्नै सकेनन् ।

प्रकाशित मिति: आइतबार, कात्तिक २७, २०७९ १७:२९

प्रतिक्रिया दिनुहोस्