एमाले काठमाडौं ३ 'क' को घरदैलो कार्यक्रम, स्थानीय जनतासँगै रहेर अघि बढ्ने उम्मेदवार चन्द्रमान लामाको प्रतिवद्दता

नेपाल समाचार

Home
नेपाल समाचार
एमाले काठमाडौं ३ 'क' को घरदैलो कार्यक्रम, स्थानीय जनतासँगै रहेर अघि बढ्ने उम्मेदवार चन्द्रमान लामाको प्रतिवद्दता

एमाले काठमाडौं ३ 'क' को घरदैलो कार्यक्रम, स्थानीय जनतासँगै रहेर अघि बढ्ने उम्मेदवार चन्द्रमान लामाको प्रतिवद्दता

सरलरेखा संवाददाता आइतबार, कात्तिक २०, २०७९

माओवादी केन्द्रका प्रदेश क का उम्मेदवार कपिलमणि उप्रेतीले आफ्नो उम्मेदवारी अन्तिम समयमा निस्क्रिय भएको जनाउदै अब आफू योग्य उम्मेदवारलाई जिताउन सहयोगी भूमिकामा रहने बताउनुभयो ।

काठमाडौं । नेकपा एमाले काठमाडौं क्षेत्र नम्बर ३ क ले घरदैलो कार्यक्रम शुरु गरेको छ । एमालेले मंसिर ४ मा हुने प्रतिनिधिसभा तथा प्रदेशसभा निर्वाचन केन्द्रीत घरदैलो कार्यक्रमको आयोजना गरेको हो ।

गोकर्णेश्वर नगरपालिकाको वडा नम्बर ५ मा अवस्थित बञ्चरेटार पारिजात चोकबाट शुरु भएको कार्यक्रमलाई प्रदेशसभा सदस्य उम्मेदवार चन्द्रमान लामाले सम्बोधन गर्नुभएको थियो ।

उहाँले ३४ वर्ष अघि भारतमा सम्पन्न पहिलो दक्षिण एसियाली खेलकूदमा कराँते विधाबाट देशका लागि स्वर्णपदक दिलाउन सफल भएको स्मरण गर्दै देश र जनताको सेवाका लागि आफू राजनीतिमा आएको बताउनुभयो । देश र जनताको पार्टी नेकपा एमाले मात्र भएकोले देशभर जनताको साथले एमालेमय बनेको बताउनुभयो । उहाँले आफू बौद्धनाथ क्षेत्र विकास समितिमा अध्यक्ष हुँदा यस क्षेत्रको धार्मिक तथा सामाजिक कार्यमा उल्लेख्य सहकार्य गर्न सफल भएको बताउनुभयो । त्यसक्रममा उहाँले दशकौं अघि जोरपाटी पाटीटारका स्थानीय कृषकको समस्यालाई देखेर आफ्नो बुबाले कुलो निर्माण गरि सिञ्चाइको प्रबन्ध मिलाएको पनि स्मरण गर्नुभयो । आगामी दिनमा पनि आफू यस क्षेत्रका स्थानीय जनतासँगै काँधमा काँध जोडेर अघि बढ्ने प्रतिवद्दता व्यक्त गर्नुभयो ।

स्थानीय मतदाताको घरदैलौमै पुगेर उनीहरुका गुनासो सुन्ने र शुभकामना लिने उदेश्यले आयोजना गरिएको घरदैलो कार्यक्रममा यस क्षेत्रका प्रतिनिधिसभा सदस्यका उम्मेदवार निवर्तमान सांसद कृष्णबहादुर राई र समानुपातिकतर्फका उम्मेदवार शान्ति श्रेष्ठ पनि सहभागी हुनुहुन्थ्यो । उम्मेदवारहरुलाई आफ्नै घरदैलोमा भेट्न पाउँदा स्थानीयले खुशी व्यक्त गरेका थिए ।

त्यसक्रममा सुगमनगर टोल समितिका अध्यक्ष तथा काठमाडौं क्षेत्र नम्बर ३ क का माओवादी केन्द्रका उम्मेदवार कपिलमणि उप्रेतीले जीतको शुभकामना दिनुभयो । उहाँले गठबन्धनको निर्देशनमा आफ्नो उम्मेदवारी अन्तिम समयमा निस्क्रिय भएको बताउदै अब आफू योग्य उम्मेदवारलाई जिताउन सहयोगी भूमिकामा रहने जानकारी गराउनुभयो । कृष्णबहादुर राई विगतमा आफ्नो पनि नेता भएको बताउदै उहाँले योग्य उम्मेदवारलाई मत दिन टोलवासीलाई आह्वान समेत गर्नुभयो ।