उडिरहेको विमानको ककपिटमै दुई पाइलटबीच कुटाकुट

रोचक

Home
रोचक
उडिरहेको विमानको ककपिटमै दुई पाइलटबीच कुटाकुट

उडिरहेको विमानको ककपिटमै दुई पाइलटबीच कुटाकुट

सरलरेखा संवाददाता सोमबार, भदौ १३, २०७९

काठमाडौं । विमान उडिरहँदा ककपिटमै कुटाकुट गरेका एयर फ्रान्सका दुई पाइलटलाई निलम्बन गरिएको छ।

जेनेभा–पेरिस उडानका क्रममा गत जुनमा सो घटना भएको थियो ।
विमान उडिरहँदा ककपिटमै आपसमा कुटाकुट गरेपछि उनीहरुलाई निलम्बन गरिएको एयर फ्रान्सका अधिकारीले आइतबार जानकारी गराएका छन्।

झगडापछि पनि एयरबसको सो विमान निरन्तर उडेको र सुरक्षित तवरले अवतरण गरेको ती अधिकारीले बताए।

विमान उड्नेबित्तिकै पाइलट र कोपाइलटबीच विवाद उत्पन्न भएको थियो। त्यसपछि उनीहरुले एकअर्काको कलर समातेका थिए। एक पाइलटले अर्कालाई मुक्का समेत हानेका थिए।

त्यसपछि उडान दलका अन्य सदस्यलाई हस्तक्षेप गरेर उनीहरुलाई छुट्याएका थिए। तीमध्ये एक जना बाँकी उडानभर ककपिटमै बसेका थिए।

यो झगडाको समाचार फ्रान्सको हवाई अनुसन्धान एजेन्सी बीईएले बुधबार एयर फ्रान्सका पाइलटहरुले सुरक्षाका विषयमा मनोमानी गर्न खोजेको रिपोर्ट सार्वजनिक गरेपछि बाहिरिएको थियो।

प्रकाशित मिति: सोमबार, भदौ १३, २०७९ १८:०३

प्रतिक्रिया दिनुहोस्