प्रतिनिधिसभाको बैठकमा आज एमसीसीमाथि छलफल हुने, सुरक्षा व्यवस्थामा कडाइ

नेपाल समाचार

Home
नेपाल समाचार
प्रतिनिधिसभाको बैठकमा आज एमसीसीमाथि छलफल हुने, सुरक्षा व्यवस्थामा कडाइ

प्रतिनिधिसभाको बैठकमा आज एमसीसीमाथि छलफल हुने, सुरक्षा व्यवस्थामा कडाइ

सरलरेखा संवाददाता बिहीबार, फागुन १२, २०७८

samsad.jpg

काठमाडौं । प्रतिनिधि सभाको आज बस्ने बैठकमा अमेरिकी सहयोग परियोजना एमसीसीमाथि छलफल हुने भएको छ ।

संसद् सचिवालयले हिजो सार्वजनिक गरेको सम्भावित कार्यसूचीमा आजको संसद बैठकमा अर्थमन्त्री जनार्दन शर्माले नेपाल सरकार र एमसीसीबीच भएको अनुदान सहायता सम्झौतामाथि सामान्य छलफल गरियोस् भनी प्रस्ताव पेस गर्ने उल्लेख छ । त्यस्तै, आजको बैठकमा कानुनमन्त्री दिलेन्द्रप्रसाद बडूले महान्यायधिवक्ताको वार्षिक प्रतिवेदन पेश गर्ने कार्यसूची समेत रहेको छ । बैठक आज दिउँसो १ बजेका लागि बोलाइएको छ ।

यसैबीच, संसद् भवन आसपासमा बढेको प्रदर्शनलाई मध्यनजर गर्दै संसद् भवनको सुरक्षा थप मजबुद बनाइएको छ । आजबस्ने प्रतिनिधिसभा बैठकको समयमा हुनसक्ने सम्भावित जोखिमलाई ध्यानमा राखी संसद् भवनको बाहिरी घेरामा रहेको पर्खालमा काँडेतार बेरिएको छ ।

सत्तारुढ नेकपा माओवादी केन्द्र र एकीकृत समाजवादी लगायतका दलका भ्रातृ संगठनहरुले संसद भवनलाई केन्द्रित गरी नयाँ बानेश्वर क्षेत्रमा विरोध गर्दै आएका छन् ।

प्रकाशित मिति: बिहीबार, फागुन १२, २०७८ १८:१३

प्रतिक्रिया दिनुहोस्