अर्थमन्त्रालयको सीसीटीभी प्रकरणः फरेन्सिक ल्याबले पठाएको सीसीटीभी फुटेजमा के देखियो ?

नेपाल समाचार

Home
नेपाल समाचार
अर्थमन्त्रालयको सीसीटीभी प्रकरणः फरेन्सिक ल्याबले पठाएको सीसीटीभी फुटेजमा के देखियो ?

अर्थमन्त्रालयको सीसीटीभी प्रकरणः फरेन्सिक ल्याबले पठाएको सीसीटीभी फुटेजमा के देखियो ?

सरलरेखा संवाददाता मंगलबार, साउन १०, २०७९

काठमाडौं । संसदीय छानबिन विशेष समितिले नेपाल प्रहरीको फरेन्सिक ल्याबले उपलब्ध गराएको सीसीटीभी फुटेजको प्रतिवेदन विज्ञ राखेर अध्ययन गर्ने भएको छ।

मंगलबार बिहान बसेको समितिको बैठकमा फरेन्सिक ल्याबको रिपोर्ट खोलेर देखाइएको थियो। फरेन्सिक ल्याबको रिपोर्टबारे प्रष्ट नभएपछि विज्ञ बोलाइएको समितिका एक सदस्यले बताए । समितिले विज्ञ राखेर परामर्श गरेपछि मात्र त्यसबारे रिपोर्ट सार्वजनिक गर्ने सदस्य सचिव सुरेन्द्र अर्यालले जानकारी दिनुभयो । विज्ञसहित समितिको बैठक मंगलवर अपरान्ह ४ बजे फेरि बस्ने उहाँले बताउनुभयो ।

मंगलबार बिहान बसेको बैठकमा संसदीय विशेष छानविन समितिका सदस्यहरुले सीसीटीभीमा कैद भएका भिडियोका फुटेज हेरेका छन्।

पूर्वअर्थमन्त्री जनार्दन शर्माले अनधिकृत व्यक्तिको प्रवेशबाट बजेट बनाएको आरोपमा गठित संसदीय विशेष छानविन समितिलाई अर्थ मन्त्रालयले दिएको हार्डडिक्समा जेठको भिडियो नभेटिएपछि रिकभर गर्न समितिले प्रहरी विधि विज्ञान प्रयोगशालामा पठाइएको थियो।

बैठकमा सहभागी एक सदस्यका अनुसार सीसीटिभीका फुटेजहरु भए पनि एक सेकेण्ड जति झिलिक्क देखिने र त्यसपछि पूरै खाली कालो आउँछ । पुनः झिलिक्क देखिन्छ त्यसपछि फेरि खाली भएको पाइएको छ। मान्छेहरूको अनुहार प्रष्ट चिनिएको छैन।

प्रकाशित मिति: मंगलबार, साउन १०, २०७९ १५:४६

प्रतिक्रिया दिनुहोस्