आन्तरिक विमानस्थलहरुबाट मात्रै एक अर्ब ७० करोड बक्यौता रकम असुली गर्न बाँकी

आर्थिक पत्रिका

Home
आर्थिक पत्रिका
आन्तरिक विमानस्थलहरुबाट मात्रै एक अर्ब ७० करोड बक्यौता रकम असुली गर्न बाँकी

आन्तरिक विमानस्थलहरुबाट मात्रै एक अर्ब ७० करोड बक्यौता रकम असुली गर्न बाँकी

काठमाडौं । नेपाल नागरिक उडड्यन प्राधिकरणले आन्तरिक विमानस्थलहरुबाट मात्रै करिव एक अर्ब ७० करोड बक्यौता रकम असुली गर्न नसकेको पाइएको छ ।

अन्तराष्ट्रिय सम्बन्ध समितिको शुक्रवारको बैठकमा नागरिक उडड्यनसम्बन्धि समस्या र समाधान उपसमितिले पेश गरेको प्रतिवेदनमा प्राधिकरणले आन्तरिक विमानस्थलहबाटै सो बक्यौता रकम असुली गर्न नसकेको उल्लेख गरिएको हो । उपसमितिका संयोजक दिव्यमणि राजभण्डारीले विदेशी विमानस्थलहरुबाट पनि बक्यौता रकम असुली गर्न प्राधिकरणले नसकेको जानकारी दिँदै त्यसको मुख्य कारण गैरजिम्मेवारीपन रहेको बताउनुभयो । उपसमितिको प्रतिवेदनमा नेपाल वायु सेवा निगममा नयाँ नेतृत्व आएपनि त्यसले बोर्ड बैठक समेत बोलाउन नसकेको भनिएको छ ।

उपसमितिका संयोजक राजभण्डारीले विमान सेवाको माध्यमबाट मुलुकको पर्यटन क्षेत्रको विकास गर्ने कुनै पनि सोच सम्बन्धित निकायसँग नरहेको बताउनुभयो । नेपाल नागरिक उडड्यन प्राधिकरण र नेपाल वायु सेवा निगमको पूरानै संरचना र सोही अनुसारको सोचको कारण यसले प्रगति गर्न नसकेको निष्कर्ष समेत उपसमितिको प्रतिवेदनमा निकालिएको छ ।

उपसमितिको प्रतिवेदनमा नागरिक उडड्यन सम्बन्धि समस्या र ती समस्याहरुको समाधानका लागि सरकार र सम्बन्धित निकायहरुलाई समितिले जिम्मेवार भएर काम गर्न सचेत गराउनुपर्ने सुझाव पनि दिइएको छ ।

प्रकाशित मिति: शुक्रबार, जेठ ६, २०७९ १८:५६

प्रतिक्रिया दिनुहोस्