एक वर्षमै निगमको मुहार फेरिने पर्यटनमन्त्री किरातीकाे दाबी

मूख्य समाचार

Home
मूख्य समाचार
एक वर्षमै निगमको मुहार फेरिने पर्यटनमन्त्री किरातीकाे दाबी

एक वर्षमै निगमको मुहार फेरिने पर्यटनमन्त्री किरातीकाे दाबी

B9A824F4-22F5-43DC-9507-60C128CAEEEC.jpeg

काठमाडाैं । संस्कृति, पर्यटन तथा नागरिक उड्डयनमन्त्री सुदन किराँतीले नेपाल वायुसेवा निगमलाई देशकै गौरवको विषय बनाउनुपर्ने बताउनुभएको छ । सिनामंगलस्थित निगमको जग्गामा निगमको प्रधान कार्यालय भवनको शिलान्यास गर्दै उहाँले यस्तो बताउनुभएको हो ।

उहाँले सबैले इमान्दार भएर काम गर्ने हो भने एक वर्षमै निगमको मुहार फेरिने दाबी गर्दै निगम अन्तार्राष्ट्रिय जगतमा चिनाउने देशको मुहार भएकाले निगमलाई राम्रो बनाउनुपर्ने बताउनुभयो । उहाँले निगमले नेपालको इतिहास र वर्तमान गौरवलाई प्रस्तुत गर्ने बताउनुभयो ।

आफू मन्त्री बनेपछि गरेको एक वर्षको कामले कछुवाको गतिमा भएपनि निगमलाई राम्रो र व्यवस्थित बनाउन आफू लागिरहेको उहाँकाे दाबी छ ।

उहाँले निगमले एक वर्षमा आफ्नो व्यवस्थापन खर्चबाट रकम निकालेर तिरेको ऋण, चिनियाँ जहाजको निकास दिने कुराको शाहस र आँट, दुर्गम क्षेत्रमा उडान गर्ने जहाजहरुको खरिद प्रक्रिया अघि बढाइएको सन्दर्भले बिस्तारै निगम माथि उठ्दै गएको अनुभुति भएको बताउनुभयो ।

मन्त्री किराँतीले आजबाट निगमको गाडीमा गेयर चेन्ज भएकाले स्पिडमा काम अघि बढ्ने दाबीसमेत गर्नुभयाे ।

प्रकाशित मिति: आइतबार, माघ १४, २०८० १०:१७

प्रतिक्रिया दिनुहोस्