राष्ट्रियसभा सदस्य निर्वाचन जारी, मतपरिणाम आजै आउने

नेपाल समाचार

Home
नेपाल समाचार
राष्ट्रियसभा सदस्य निर्वाचन जारी, मतपरिणाम आजै आउने

राष्ट्रियसभा सदस्य निर्वाचन जारी, मतपरिणाम आजै आउने

CF6A8CF3-7249-4EB1-A9D5-856380C9F5DC.jpeg

काठमाडौं । राष्ट्रियसभा सदस्य निर्वाचनअन्तर्गत मतदान जारी छ । फागुन २० गतेबाट रिक्त हुन लागेका २० पदमध्ये १९ पदमा आज मतदान शुरू भएको हो ।

बिहान नाै बजेदेखि शुरु मतदान अपरान्ह ३ बजेसम्म जारी रहेने निर्वाचन आयाेगले जनाएकाे छ । राष्ट्रियसभा निर्वाचनका मतदाता प्रदेशसभा सदस्य र नगरपालिकाका प्रमुख/उपप्रमुख, गाउँपालिका अध्यक्ष/उपाध्यक्ष हुन् ।

निर्वाचनका लागि कुल दुई हजार ४७ मतदाता रहेका छन् । जसमध्ये कोशीमा कुल ३६७ मतदाता छन् । मधेशमा ३७४, वाग्मतीमा ३४७ मतदाता रहेका छन् । गण्डकीमा २३०, लुम्बिनीमा ३०५, कर्णालीमा १९६, सुदूरपश्चिममा २२८ मतदाता रहेको निर्वाचन आयोगले जनाएको छ ।

निर्वाचनमा सात प्रदेशमा एक–एक मतदानस्थल र दुई–दुई मतदान केन्द्र कायम गरिएको छ । मतदान सकिएलगत्तै आजै मतगणना हुनेछ । साँझसम्म अन्तिम मतपरिणाम आउने निर्वाचन आयोगले जनाएको छ ।

प्रकाशित मिति: बिहीबार, माघ ११, २०८० ११:२२

प्रतिक्रिया दिनुहोस्