आगलागीबाट दक्षिण कोरियामा २२७ पसल जले

नेपाल समाचार

Home
नेपाल समाचार
आगलागीबाट दक्षिण कोरियामा २२७ पसल जले

आगलागीबाट दक्षिण कोरियामा २२७ पसल जले

91AF374C-D7AD-410A-B75E-30C1FF848F30.jpeg

एजेन्सी।

दक्षिण कोरियाको दक्षिणपश्चिम क्षेत्रस्थित एउटा समुद्री उत्पादन बजारमा भएको आगलागीमा २२७ पसल जलेर नष्ट भएका छन् । आगलागीमा कुनै मानवीय क्षति भने नभएको योनहाप समाचार एजेन्सीले अग्नि नियन्त्रक अधिकारीहरूलाई उद्धृत गर्दै मङ्गलबार जनाएको छ।

राति करिब ११ः०८ बजे आगलागी भएको थियो ।राजधानी सियोलबाट लगभग १७० किलोमिटर दक्षिणमा रहेको काउन्टीको परम्परागत समुद्री उत्पादन बजारमा आगलागी भएको हो ।

तीव्र हावा र बजारको खचाखच भरिएको संरचनाका बीच दमकललाई आगो निभाउन करिब नौ घण्टा लागेको थियो । बजारका २९२ पसलमध्ये २२७ पसल जलेर नष्ट भएका छन् । आगलागी हुँदा बजारमा कोही मानिस नभएकाले मानवीय क्षति भने भएको छैन । दमकल अधिकारीहरूले आगो निभाउन ३६१ वटा दमकल र ४५ वटा दमकल इन्जिनहरू परिचालन गरेका थिए।

घटनाको वास्तविक कारणबारे अनुसन्धान जारी छ ।

प्रकाशित मिति: मंगलबार, माघ ९, २०८० १४:२१

प्रतिक्रिया दिनुहोस्