मुसहर बस्तीमा पूर्वराजपरिवारको १ घण्टा, नागरिकसँग भलाकुसारीदेखि चियापानसम्म

नेपाल समाचार

Home
नेपाल समाचार
मुसहर बस्तीमा पूर्वराजपरिवारको १ घण्टा, नागरिकसँग भलाकुसारीदेखि चियापानसम्म

मुसहर बस्तीमा पूर्वराजपरिवारको १ घण्टा, नागरिकसँग भलाकुसारीदेखि चियापानसम्म

B2377D88-BF9F-42C0-B670-A38B1FBD0971.jpeg

वीरगन्ज।

अहिले मधेशमा रहेका पूर्वराजा ज्ञानेन्द्र शाहले बाराको जीतपुरसिमरा उपमहानगर ६ स्थित मुसहर बस्ती पुगेर एक घण्टा आफ्नो समय बिताएका छन् । प्रभु शमशेर जबरा तथा राजी राणा परोपकार निजी गुठीले गत असोज १२ गते मुसहर समुदायका २० परिवारलाई उक्त बस्ती हस्तान्तरण गरेको थियो ।

पूर्वराजपरिवार भित्रका सदस्यले निर्माण गरी हस्तान्तरण गरेको बस्ती अवलोकन गर्न शनिबार त्यहाँ पुगेका हुन् । पूर्वराजा ज्ञानेन्द्रसँग पत्नी कोमल, छोरी प्रेरणालगायत पूर्वराजपरिवाका सदस्य सहभागी थिए ।बस्तीमा निर्माण भएको घरभित्र पसेर पूर्वराजदम्पतीले मुसहर समुदायका नागरिकसँग भलाकुसारी गरेका थिए ।

बस्तीमा एक घण्टा बिताएका उनीहरुले चिया समेत पिएका थिए । पूर्वराजपरिवारको स्वागतमा मुसहर समुदायका युवायुवतीले सांस्कृतिक नृत्य प्रस्तुत गरेका थिए। यसअघि पूर्वराजदम्पतीलाई बस्तीमा बसोबास गर्ने २० वटै घरका परिवारका सदस्यले स्वागत गरेका थिए ।

सो क्रममा बस्तीमा बसोबास गर्ने नागरिकका लागि दिवा भोजनको व्यवस्थापन गरिएको थियो । पूर्वराजाले दिवाभोजनका लागि बनाइएको परिकार समेत हेर्न भ्याएका थिए भने उनले बस्तीका नागरिकलाई खाना खान आग्रह गरेको समेत देखिएको थियो ।

पूर्वराजालाई बस्तीमा स्वागत गर्न पाउँदा मुसहर समुदायका नागरिक खुसी देखिन्थे । एक साता अघि सिमरा आएका पूर्वराजा ज्ञानेन्द्र शाहले केही दिनअघि पर्सा राष्ट्रिय निकुञ्जको सफारी गरेका थिए भने अहिले सिमरामा रहेका शाह आइतबार हेटौंडा जाने कार्यक्रम तय भएको बताइएको छ ।

प्रकाशित मिति: शनिबार, माघ ६, २०८० २०:२२

प्रतिक्रिया दिनुहोस्