क्षेत्रीय एकता र विश्वास प्रवर्द्धनका लागि मैत्रीपूर्ण कार्य र साझा प्रयास आवश्यक : प्रधानमन्त्री

नेपाल समाचार

Home
नेपाल समाचार
क्षेत्रीय एकता र विश्वास प्रवर्द्धनका लागि मैत्रीपूर्ण कार्य र साझा प्रयास आवश्यक : प्रधानमन्त्री

क्षेत्रीय एकता र विश्वास प्रवर्द्धनका लागि मैत्रीपूर्ण कार्य र साझा प्रयास आवश्यक : प्रधानमन्त्री

सरलरेखा संवाददाता शनिबार, मंसिर २३, २०८०

Prachanda-back-to-Nepal1685803281.jpg

कठमाडौं । प्रधानमन्त्री पुष्पकमल दाहालले दक्षिण एशियाली क्षेत्रीय सहयोग सङ्गठन (सार्क) को बडापत्रमा प्रतिष्ठापित समझदारी, विश्वास, एकता र सहयोगका मूल्य–मान्यता प्रवर्द्धन गर्नुपर्नेमा जोड दिनुभएको छ ।

उनाञ्चालीसौँ सार्क स्थापना दिवसका अवसरमा दिनुभएको सन्देशमा प्रधानमन्त्री दाहालले हाम्रा मैत्रीपूर्ण कार्य र साझा प्रयासबाट क्षेत्रीय एकता एवं विश्वास प्रवर्द्धन हुने बताउनुभएको हो ।

सार्क प्रक्रियालाई ऊर्जा प्रदान गर्न, सङ्गठनलाई अझ सबल, प्रभावकारी एवं परिणाममुखी तुल्याउन सार्कको संस्थापक मुलुकका नाताले नेपाल प्रतिबद्ध रहेको प्रधानमन्त्रीले बताउनुभएको छ ।

दक्षिण एशियाको साझा समृद्धि तथा क्षेत्रीय एकताका निम्ति ३९ वर्षअघि स्थापना भएको सार्कमा त्यसबेलाका गरिबी, कुपोषणजस्ता चुनौतीका साथै जलवायु परिवर्तन र त्यसका प्रतिकूल प्रभावले निम्त्याएका विपत्ति एवं साइबर सुरक्षा नयाँ समस्या थपिएका प्रधानमन्त्रीले सन्देशमा उल्लेख गर्नुभएको छ ।

बडापत्र दिवस पनि भनिने सार्क स्थापना दिवसका अवसरमा अफगानिस्तानबाहेक अन्य सदस्य राष्ट्रका राष्ट्राध्यक्ष, सरकार प्रमुख, परराष्ट्रमन्त्री र सार्कका महासचिवले बेग्लबेग्लै सन्देश जारी गरी सदस्य देशका जनताको समृद्धिको कामना गर्नुभएको छ ।

प्रकाशित मिति: शनिबार, मंसिर २३, २०८० १०:२३

प्रतिक्रिया दिनुहोस्