इजरायल–हमास द्वन्द्व : गाजामा पछिल्लो २४ घण्टामा सात सय बढी प्यालेस्टाइनी मारिए

नेपाल समाचार

Home
नेपाल समाचार
इजरायल–हमास द्वन्द्व : गाजामा पछिल्लो २४ घण्टामा सात सय बढी प्यालेस्टाइनी मारिए

इजरायल–हमास द्वन्द्व : गाजामा पछिल्लो २४ घण्टामा सात सय बढी प्यालेस्टाइनी मारिए

सरलरेखा संवाददाता सोमबार, मंसिर १८, २०८०

45A02DC7-6FF6-4968-8602-E5168702F2D5.png

एजेन्सी । हमासको स्वास्थ्य मन्त्रालयले इजरायलले आईतवार युद्धग्रस्त गाजा पट्टीका विभिन्न क्षेत्रमा नयाँ हवाई आक्रमण गर्दा दर्जनौंको मृत्यु भएको बताएको छ । त्यस्तै, सयाैंकाे संख्यामा मानिसहरु घाइते भएका छन् ।

इजरायली हवाई हमलाले उत्तरी पट्टीको जबलिया क्याम्पमा रहेको एक आवासीय भवनलाई निशाना बनाइ आक्रमण गरेको थियो । पछिल्लो केही घण्टामा ३७ जनाको ज्यान गएको बताइएको छ ।

यसैबीच, गाजा शहरको उत्तरमा रहेको अबु एस्कन्दर क्षेत्रमा रहेको एउटा घरलाई निशाना बनाएर इजरायली बमबारीमा कम्तीमा तीन जनाको मृत्यु भएको छ भने अन्य २० जना घाइते भएका छन् । यसबाहेक प्यालेस्टाइन सिभिल डिफेन्स सर्भिसले गाजा शहरको पूर्वमा रहेको याफा स्ट्रिटमा इजरायली युद्धक विमानहरूले ध्वस्त पारेका घरहरूमा कैयौं मानिस मारिएको र घाइते भएको बताएको छ ।

नागरिक रक्षा सेवाका प्रवक्ता महमूद बसालले हालैका घण्टाहरूमा इजरायली हवाई आक्रमणका कारण ८४ जनाको मृत्यु गाजाको अल–मुमालत अस्पतालमा लगिएको जानकारी दिनुभयाे । सरकारको मिडिया कार्यालयका निर्देशक इस्माइल अल–थवाबतेहले आइतबार गाजामा पछिल्लो २४ घण्टामा ७ सय भन्दा बढी प्यालेस्टाइनी मारिएका बताउनुभयो ।

प्रकाशित मिति: सोमबार, मंसिर १८, २०८० १७:१३

प्रतिक्रिया दिनुहोस्