सन् २०२४ लाई भ्रमण वर्षका रूपमा मनाउने बागमती सरकारकाे निर्णय

नेपाल समाचार

Home
नेपाल समाचार
सन् २०२४ लाई भ्रमण वर्षका रूपमा मनाउने बागमती सरकारकाे निर्णय

सन् २०२४ लाई भ्रमण वर्षका रूपमा मनाउने बागमती सरकारकाे निर्णय

सरलरेखा संवाददाता बिहीबार, कात्तिक २३, २०८०

B86F4D94-6FAF-4809-9FE9-3E573C8F9357.jpeg

बागमती । बागमती प्रदेश सरकारले सन् २०२४ लाई ‘भ्रमण वर्ष’ का रूपमा मनाउने भएको छ ।

प्रदेश सरकारको बुधबार साँझ बसेकाे मन्त्रिपरिषद् बैठकले २०२४ लाई पर्यटन वर्ष घोषणा गरेको सरकारका प्रवक्ता एवं प्रदेशका आन्तरिक मामिला तथा कानुनमन्त्री गङ्गानारायण श्रेष्ठले जानकारी दिनुभयो ।

मुख्यमन्त्री तथा मन्त्रिपरिषद्को कार्यालयमा बसेको बैठकले जाजरकोट भूकम्प प्रभावितका लागि राहत उपलब्ध गराउने निर्णयसमेत गरेको मन्त्री श्रेष्ठले बताउनुभयो ।

बैठकले सङ्गठन संरचना तथा दरबन्दी तेरिज स्वीकृत गर्ने, प्रदेशका केही उपसचिवलाई प्रदेश सचिवमा (अधिकृतस्तर एघारौँ तह) बढुवा गरी नियुक्ति र पदस्थापन गर्ने, प्रदेश प्रमुखको कार्यालय सवलीकरण गर्ने, उपसभामुखको अष्ट्रेलिया भ्रमणका लागि मनोनयन गरी सरकारी प्रवेशाज्ञाका लागि सिफारिस गर्ने र पर्यटन पूर्वाधार सञ्चालन तथा व्यवस्थापन कार्यविधि २०८० स्वीकृत गर्ने निर्णय गरेको सरकारका प्रवक्तामन्त्री श्रेष्ठले जानकारी दिनुभयो ।

प्रकाशित मिति: बिहीबार, कात्तिक २३, २०८० ०९:४६

प्रतिक्रिया दिनुहोस्