रिगलको कैद मिनाहामा सरकारले माफी माग्नुपर्छ : कांग्रेस महामन्त्री शर्मा

नेपाल समाचार

Home
नेपाल समाचार
रिगलको कैद मिनाहामा सरकारले माफी माग्नुपर्छ : कांग्रेस महामन्त्री शर्मा

रिगलको कैद मिनाहामा सरकारले माफी माग्नुपर्छ : कांग्रेस महामन्त्री शर्मा

सरलरेखा संवाददाता मंगलबार, कात्तिक २१, २०८०

782011C8-3047-4FBB-B92C-040B8E57AC55.jpeg

काठमाडौं । नेपाली कांग्रेसका महामन्त्री विश्वप्रकाश शर्माले योगराज ढकाल (रिगल)को कैद मिनाहाप्रति सरकारले माफी माग्नुपर्ने बताउनुभएको छ ।

कांग्रेस महामन्त्री शर्माले न्युज एजेन्सी नेपालसँगको कुराकानीमा रिगलको कैद मिनाहा प्रकरणमा सरकारले नैतिक जिम्मेवारी नलिएको धारणा व्यक्त गर्नुभएको हो ।

‘सर्वोच्चले गल्ती भयो भनेर फैसला गर्दा समेत कसैले पनि आत्मालोचना गरेको देख्दिनँ’ महामन्त्री शर्मालेले भन्नुभएको छ– हाम्रो पार्टीको कानुन मन्त्री हुनुहुन्छ, पार्टीको उपसभापति पार्टीको टिमको लिडरसिप गरेर मन्त्रिपरिषदमा उपप्रधानमन्त्री हुनुहुन्छ । कसैले जिम्मेवारी लिनुपर्दैन ? सम्माननीय प्रधानमन्त्रीले यसमा नैतिक जिम्मेवारी आफू वा अरु कसैले लिनुपर्दैन ? बोल्नुपर्दैन ?

महामन्त्री शर्माले रिगलको कैद मिनाहाको सिफारिस आएपछि राष्ट्रपति कार्यालयले पनि त्यसबेला विचार गर्नुपर्ने धारणा व्यक्त गर्नुभएको छ ।

‘कसै न कसैले कि जिम्मेवारी लिएर राजीनामा गरेर आउनुपर्दथ्यो’ उहाँले भन्नुभएको छ कसैले राजीनामाको चरणमा पुग्न नसक्ने हो भने माफी मागेर आउनुपर्दथ्यो सरकारको तर्फबाट । त्यो पनि होइन भने आत्मालोचना हुनुपर्दैन ? कोही छैन जिम्मेवारी लिने ?

नेपालगञ्जका चेतन मानन्धर हत्यामा दोषी ठहरिएका ढकाललाई सरकारको अनुसार राष्ट्रपतिले संविधान दिवसमा कैद मिनाहा गरी रिहा गरिएको थियो । चेतनकी पत्नी भारती शेर्पाले दिएको रिटमाथि सुनुवाई गर्दै सर्वोच्च अदालतले कैद मिनाहा बदर गरिदिपछि ढकाल पुनः जेल परेका छन् ।

प्रकाशित मिति: मंगलबार, कात्तिक २१, २०८० २०:२४

प्रतिक्रिया दिनुहोस्