१३ वर्षीया बालिकालाई बलात्कार गरेकाे आराेपमा तीनजना पक्राउ

नेपाल समाचार

Home
नेपाल समाचार
१३ वर्षीया बालिकालाई बलात्कार गरेकाे आराेपमा तीनजना पक्राउ

१३ वर्षीया बालिकालाई बलात्कार गरेकाे आराेपमा तीनजना पक्राउ

सरलरेखा संवाददाता शुक्रबार, कात्तिक १७, २०८०

F0660121-C10E-471A-8DCA-F626D3558562.jpeg

काठमाडौं ।

धनकुटा र झापाबाट बालिका बलात्कार आरोपमा तीनजना पक्राउ परेका छन् । धनकुटाबाट १३ वर्षीया बालिकाकलाई जबरजस्ती करणी गरेको अभियोगमा दुई जनालाई प्रहरीले पक्राउ गरेको छ ।

पक्राउ पर्नेहरूमा महालक्ष्मी नगरपालिका-५ बस्ने ५० वर्षीय गोपाल बस्नेत र ५२ वर्षीय राम बहादुर कटुवाल रहेका छन् । ती बालिकाको घरमा कोही नभएको अवस्थामा उनीहरूले सोमबार जबरजस्ती करणी गरेको भन्ने उजुरीको आधारमा प्रहरी चौकी लेगुवाबाट खटिएको प्रहरीले दुवै जनालाई पक्राउ गरेको हो ।

८ वर्षीया बालिकालाई जबरजस्ती करणी गरेको अभियोगमा झापा मेचिनगर नगरपालिका-१५ भिन्डि बस्ती बस्ने २१ वर्षीय सुकलाल हस्दालाई प्रहरीले पक्राउ गरेको छ । ती बालिकालाई सोमाबार दिउँसो आफ्नै घरमा ललाई फकाई जबरजस्ती करणी गरेको भन्ने उजुरीको आधारमा प्रहरी चौकी ज्यामिरगढीबाट खटिएको प्रहरीले उनलाई पक्राउ गरेको हो ।

प्रकाशित मिति: शुक्रबार, कात्तिक १७, २०८० २२:५६

प्रतिक्रिया दिनुहोस्