आयु १९ विश्वकपमा नेपाल र पाकिस्तानबीच प्रतिस्पर्धा आज

खेल संसार

Home
खेल संसार
आयु १९ विश्वकपमा नेपाल र पाकिस्तानबीच प्रतिस्पर्धा आज

आयु १९ विश्वकपमा नेपाल र पाकिस्तानबीच प्रतिस्पर्धा आज

E7777E56-A860-445E-9BDB-4D22FC10A7C2.jpeg

काठमाडाैं । दक्षिण अफ्रिकामा जारी आईसीसी यु–१९ विश्वकप क्रिकेटको १५ औँ संस्करणमा बुधवार नेपालले पाकिस्तानको सामना गर्दै छ । जारी प्रतियोगितामा नेपालको यो दोस्रो खेल हो ।

खेल नेपाली समयअनुसार दिउँसो पौने २ बजे शुरू हुनेछ । यसअघि आफ्नो पहिलो खेलमा नेपाल न्युजिल्याण्डसँग ६४ रनले पराजित भएको थियो ।

पहिलो खेलमा आइतबार न्युजिल्यान्डसँग ६४ रनले पराजित भएको नेपालका लागि दोस्रो खेल जित्नै पर्ने दबाब छ । समूह चरणको अन्तिम खेल नेपालले माघ १२ गते अफगानिस्तानसँग खेल्नेछ ।

दक्षिण अफ्रिकामा सुरु भएको १५औँ संस्करणको यू-१९ विश्वकपमा नेपालसहित विश्वका १६ राष्ट्र सहभागी छन् । १६ देशलाई चार समूहमा विभाजन गरिएको छ । नेपाल समूह ‘डी’ मा छ । यो समूहमा पाकिस्तान, अफगानिस्तान र न्युजिल्यान्ड छन् ।

यस्तै, समूह ‘ए’ मा अमेरिका, बंगलादेश, भारत र आयरल्याण्ड छन् भने समुह ‘बी’ मा स्कटल्याण्ड, दक्षिण अफ्रिका, वेस्टइन्डिज र इंग्ल्याण्ड रहेका छन् । यसैगरी, समूह ‘सी’ मा जिम्बाबे, नामिबिया, अस्ट्रेलिया र श्रीलंका रहेका छन् ।

प्रकाशित मिति: बुधबार, माघ १०, २०८० १०:००

प्रतिक्रिया दिनुहोस्