३१ औँ त्रिवेणी कपको उपाधि लालीगुराँस यूथ क्लब भुजुङलाई

खेल संसार

Home
खेल संसार
३१ औँ त्रिवेणी कपको उपाधि लालीगुराँस यूथ क्लब भुजुङलाई

३१ औँ त्रिवेणी कपको उपाधि लालीगुराँस यूथ क्लब भुजुङलाई

EF357CF4-7892-4627-AF63-9A2BA707BF28.jpeg

लमजुङ।

३१ औँ त्रिवेणी कपको उपाधि लालीगुराँस यूथ क्लब भुजुङले जितेको छ । लमजुङ सदरमुकाम बेसीशहरस्थित सहजी खेलमैदानमा शनिवार भएको फाइनल खेलमा बेसीशहर यूथ सोसाइटीलाई १–० को गोल अन्तरले हराउँदै १९ वर्षपछि लालीगुराँस यूथ क्लब भुजुङले ३१ औ त्रिवेणी कपको उपाधि जितेको हो ।

निर्धारित खेल समयको ६० मिनेटमा बेसीशहर यूथ सोसाइटीका आन्देश नियाले अनगोल गरेका थिए । लालीगुराँस यूथ क्लबका सीमान्त थापाले था्रेइङ गरेको बललाई बेसीशहर यूथ सोसाइटीका आन्देश नियाले अन गोल गरेपछि उक्त गोल नै निर्णायक गोल बन्न पुगेको थियो । उक्त समयमा पछि कुनै पनि गोल गर्न नसकेपछि लालीगुराँस युवा क्लबले त्रिवेणी कपको उपाधि जितेको हो ।

उपाधि विजेता लालीगुराँस क्लब भुजुङले आठ लाख पुरस्कार राशिसहित त्रिवेणी कप, स्वर्णपदक र प्रमाणपत्र हात पारेको छ भने उपविजेता बेसीशहर यूथ सोसाइटी शेराले ४ लाख रुपैयाँ सहित, रजतपदक र प्रमाणपत्र हात पारेको छ ।

फाइनल खेलमा लालीगुराँस युवा क्लबका सुदिप गुरुङ म्यान अफ दी म्याच घोषित भए । प्रतियोगितामा खेल अवधिभर चार गोल गरी सुन्दरबजार युवा क्लबका जर्सी नम्बर १२ का एरोन थापाले सर्वाधिक गोलकर्ताको उपाधि हात पारेका छन् । सर्वाधिक गोलकर्ता थापाले २० हजार र प्रमाणपत्र पाएका छन् ।

यसैगरी, उत्कृष्ट खेलाडी बेसीशहर यूथ सोसाइटी जर्सी नम्बर ६ का खेलाडी लक्षु थापा मगरले २० हजार रुपैयाँ प्राप्त गरेका छन् । उत्कृष्ट गोलकिपरको उपाधि
प्रतियोगिताको सेमिफाइनलमा पुग्ने दुई टिम लाङ्दी दवि युवा क्लब र एलजि एसोसिएन पोखराले नगद १-१ लाख रुपैयाँ र प्रमाणपत्र प्रदान गरिएको आयोजक क्लबका अध्यक्ष राजकुमार घिमिरेले जानकारी दिए ।

प्रकाशित मिति: शनिबार, पुस २१, २०८० १९:०३

प्रतिक्रिया दिनुहोस्