विश्वकपमा इंग्ल्याण्डको दोस्रो जीत, च्याम्पियन्स ट्रफिको आशा कायमै

खेल संसार

Home
खेल संसार
विश्वकपमा इंग्ल्याण्डको दोस्रो जीत, च्याम्पियन्स ट्रफिको आशा कायमै

विश्वकपमा इंग्ल्याण्डको दोस्रो जीत, च्याम्पियन्स ट्रफिको आशा कायमै

सरलरेखा संवाददाता बिहीबार, कात्तिक २३, २०८०

5D8ABC07-C4DC-4958-98A0-5FE4CD1DC5C7.jpeg

एजेन्सी । आइसीसी विश्वकप एकदिवसीय क्रिकेटमा इंग्ल्याण्डले नेदरल्याण्ड्सलाई १६० रनले पराजित गरेको छ । सेमिफाइनल होडबाट बाहिरिसकेको डिफेन्डिङ च्याम्पियन इंग्ल्याण्डको जारी विश्वकपमा याे दोस्रो जीत निकालेको हो । जीतसँगै तालिकामा ४ अंक बनाएको इंग्ल्याण्ड सातौं स्थानमा उक्लिएको छ ।

अब अन्तिम खेलमा पनि इंग्ल्याण्डले जीत निकाल्न सकेमा अर्को वर्ष पाकिस्तानमा हुने च्याम्पियन्स ट्रफिमा स्थान पक्का गर्नेछ । त्यसका लागि तालिकाको ८ औं स्थानमा रहन अनिवार्य छ । ८ टिमले खेल्ने प्रतियोगितामा घरेलु टोलीको रुपमा पाकिस्तान स्वत: छनोट हुने भएकाले अरु विश्वकपमा सातौं स्थानसम्म रहने टिमले प्रतिस्पर्धा गर्न पाउने छन् । पाकिस्तान ८ औं स्थानभित्रै रहेकाले आठौं स्थानमा रहने टिमले च्याम्पियन्स ट्रफिमा स्थान पक्का गर्नेछ ।

बुधबार पहिले खेलेको इंग्ल्यान्डले ५० ओभरमा ९ विकेट गुमाएर ३३९ रनको बलियो स्कोर बनाएको थियो । जसको जवाफमा नेदरल्यान्ड्सको टोली ३७.२ ओभरमा १७९ रन मात्रै अल आउट भएको थियो । इंग्ल्यान्डका लागि बेन स्टोक्सले १०८ रनको उत्कृष्ट शतक खेले र खेलको म्यान अफ द म्याच घोषित भए ।

इंग्ल्याण्डले टस जितेर पहिले ब्याटिङ गर्ने निर्णय गरेपछि डेभिड मलानले टिमलाई तीव्र सुरुवात दिएका थिए । तर, सातौं ओभरमा ४८ रनमा जोनी बेयरस्टो आउट भए । यसपछि मलानले जो रुटसँग दोस्रो विकेटका लागि ८५ रनको साझेदारी गर्दै १६औं ओभरमा नै टोलीलाई १०० भन्दामाथि पुर्‍याए ।

लक्ष्यको जवाफमा नेदरल्यान्ड्सको सुरुवात निकै सुस्त थियो र छैठौं ओभरमा १३ रन पुग्दा दुई विकेट खसेको थियो । वेस्ली बारेसीले सेब्रान्ड एङ्गलब्रेचसँग तेस्रो विकेटका लागि ५५ रन जोडे तर बारेसी १८औं ओभरमा ६८ रनको स्कोरमा आउट भए र एन्जेलब्रेच पनि ९० रनमा आउट भए।

इङ्ल्यान्डले विश्वकप २०२३ को आफ्नो अन्तिम खेल नोभेम्बर ११ मा कोलकातामा पाकिस्तानसँग खेल्नेछ भने नेदरल्यान्ड्सले नोभेम्बर १२ मा बैंग्लोरमा भारतविरुद्ध आफ्नो अभियान समाप्त गर्नेछ ।

प्रकाशित मिति: बिहीबार, कात्तिक २३, २०८० ०९:५३

प्रतिक्रिया दिनुहोस्